கடல் சாா்ந்த பொருள்கள் மதிப்புக் கூட்டுதல் பயிற்சிக்கு முன்பதிவு செய்யலாம்

தமிழக அரசின் தொழில்முனைவோா் மேம்பாடு மற்றும் புத்தாக்க நிறுவனத்தின் சாா்பில், கடல் சாா்ந்த பொருள்கள் மதிப்புக் கூட்டுதல் பயிற்சி வகுப்பு வரும் 15-ஆம் தேதி தொடங்கி 17-ஆம் தேதி வரை 3 நாள்கள் கடலூரை அடுத்துள்ள உச்சிமேடு சமுதாயக் கூடத்தில் நடைபெற உள்ளது. இந்தப் பயிற்சியில் பங்கேற்க விரும்புவோா் முன்பதிவு செய்துகொள்ளலாம்.

இதுகுறித்து மாவட்ட ஆட்சியா் சிபி ஆதித்யா செந்தில்குமாா் தெரிவித்துள்ளதாவது: கடல் சாா்ந்த பொருள்கள் மதிப்புக் கூட்டுதல் பயிற்சியில் கடல் மீன், இறால் உள்ளிட்டவற்றைக் கொண்டு மதிப்புக் கூட்டுதல் செய்து புதிய வியாபாரம் தொடங்குதல் மற்றும் வியாபாரத்தை விரிவுபடுத்துதல் குறித்து செய்முறை பயிற்சியுடன் விரிவாக வகுப்புகள் நடைபெற உள்ளன.

மீன் பஜ்ஜி, மீன் சமோசா, மீன் சூப் தயாரித்தல், மீன் ஊறுகாய், இறால் ஊறுகாய், கணவாய் ஊறுகாய், சென்னாங்கண்ணி பொடி, இறால் பகோடா, கருவாடு ஊறுகாய், கருவாடு பொடி தயாரித்தல் போன்றவற்றுக்கு மீன்களை எவ்வாறு கொள்முதல் செய்வது, சுத்தப்படுத்துவது, பதப்படுத்துவது, பேக்கிங் செய்வது, வியாபாரம் செய்வது உள்ளிட்டவை குறித்து வகுப்புகள் நடத்தப்படும்.

இந்தப் பயிற்சி கடலோர மக்கள் மற்றும் சுற்றுவட்டார மக்கள் கடல் சாா்ந்த பொருள்களை மதிப்புக்கூட்டி சுயதொழில் தொடங்குவதற்கு அடித்தளமாய் அமையும். சுயதொழில் செய்ய ஆா்வமுள்ள அனைவரும் இந்தப் பயிற்சியில் கலந்துகொள்ளலாம். பயிற்சியில் பங்கேற்க முன்பதிவு அவசியம்.

7845358815, 9080130299 ஆகிய கைப்பேசி எண்களில் தொடா்புகொண்டு முன் பதிவு செய்துகொள்ளலாம். பயிற்சியின் இறுதியில் அரசு சான்றிதழ் வழங்கப்படும். கூடுதல் விவரங்களை ஜ்ஜ்ஜ்.ங்க்ண்ற்ய்.ண்ய் என்ற இணையதளத்தில் தெரிந்துகொள்ளலாம் என்றாா்.