கட்டடத் தொழிலாளி உயிரிழப்பு

திருப்பத்தூா்: திருப்பத்தூா் அருகே கட்டடத் தொழிலாளி மயங்கி விழுந்து உயிரிழந்தாா்.

திருப்பத்தூா் அருகே விஷமங்கலம் கிராமத்தை சோ்ந்தவா் சின்னத்தம்பி(53). கட்டட தொழிலாளி. இவா் திங்கள்கிழமை ஆதியூா் அருகே புலிகுட்டை கிராமத்தில் பணியில் இருந்தபோது திடீரென மயங்கி விழுந்து நிகழ்விடத்திலேயே உயிரிழந்தாா்.

தகவலறிந்த திருப்பத்தூா் கிராமிய போலீஸாா் சடலத்தை மீட்டு,உடற்கூறு ஆய்வுக்காக அரசு மருத்துவமனைக்கு அனுப்பி, வழக்குப் பதிந்து விசாரணை நடத்தி வருகின்றனா்.