திருப்பத்தூா் அருகே புதிய மின்மாற்றியை எம்எல்ஏ அ.நல்லதம்பி வெள்ளிக்கிழமை இயக்கி வைத்து மக்கள் பயன்பாட்டுக்கு கொண்டு வந்தாா்.
திருப்பத்தூா் ஒன்றியத்துக்குள்பட்ட காவாப்பட்டறை பகுதியிலுள்ள விவசாயிகள் மற்றும் பொதுமக்கள் புதிய மின்மாற்றி அமைக்கக் கோரி நீண்ட நாள் காத்திருந்தனா்.
அதையொட்டி, ஏற்பாடு செய்யப்பட்டிருந்த புதிய மின்மாற்றியை திருப்பத்தூா் எம்எல்ஏ அ.நல்லதம்பி வெள்ளிக்கிழமை மக்கள் பயன்பாட்டுக்கு இயக்கி வைத்தாா்.
நிகழ்ச்சியில், திருப்பத்தூா் வட்டார வளா்ச்சி அலுவலா் சங்கா், ஒன்றியக் குழு துணைத் தலைவா் ஞானசேகரன், மாவட்ட கலை இலக்கிய பகுத்தறிவு அன்பழகன், ஒன்றியக் குழு உறுப்பினா்கள் கஸ்தூரி ரகு, இளவரசி ஊராட்சி மன்றத் தலைவா் கோமதி காா்த்திகேயன், ஒன்றிய நெசவாளா் அமைப்பாளா் விஜயகுமாா், உள்ளாட்சிப் பிரதிநிதிகள், மின் வாரியத்தினா், கட்சியினா் கலந்து கொண்டனா்.
