காஞ்சிபுரம் மாநகராட்சி நிதி நிலை அறிக்கையினை மேயா் எம்.மகாலட்சுமி யுவராஜ் வெள்ளிக்கிழமை வெளியிட்டாா்

காஞ்சிபுரம் மாநகராட்சி நிதி நிலை அறிக்கையினை மேயா் எம்.மகாலட்சுமி யுவராஜ் வெள்ளிக்கிழமை வெளியிட்டாா். மேலும் ரூ.86 லட்சம் உபரி வருவாய் உள்ளதாகவும் தெரிவித்துள்ளாா்.

காஞ்சிபுரம் மாநகராட்சி நிதிநிலை அறிக்கையை மேயா் எம்.மகாலட்சுமி யுவராஜ் வெளியிட

நிதிக் குழுத் தலைவா் சித்ரா ராமச்சந்திரன் பெற்றுக் கொண்டாா். நிகழ்வில் ஆணையா் வே.நவேந்திரன், துணை மேயா் ஆா்.குமரகுருநாதன் ஆகியோா் முன்னிலை வகித்தனா்.

பின்னா் நிதிநிலை அறிக்கையினை மேயா் எம்.மகாலட்சுமி வாசித்து, உபரி வருவாய் ரூ.86 லட்சம் எனக் கூறியபோது, உறுப்பினா்கள் வரவேற்றனா்.

வருவாய் மற்றும் மூலதன நிதியாக ரூ.253.20 கோடியும், குடிநீா் மற்றும் வடிகால் நிதியாக ரூ.407.6 கோடியும், கல்வி நிதியாக ரூ.18.04 கோடி உள்பட மொத்தம் ரூ.673.20 கோடியாகும். இதே போல செலவினங்களாக ரூ.672.34 கோடி எனவும் திட்டமிடப்பட்டுள்ளது. இதன் மூலம் ரூ.86 லட்சம் உபரியாக உள்ளதாக நிதி நிலை அறிக்கையில் தெரிவிக்கப் பட்டுள்ளது.

நத்தப்பேட்டை, தேனம்பாக்கம், பொன்னேரிக்கரை உள்ளிட்ட ஏரிகளை பொதுப்பணித்துறை, சுற்றுலாத்துறை இணைந்து பறவைகள் சரணாலயமாக மாற்ற கோரிக்கை வைக்கப்பட்டது. பிள்ளையாா்பாளையத்தில் உள்ள அண்ணா பூங்காவில் பெண்கள் உடற்பயிற்சி நிலையம் அமைக்க ரூ.30 லட்சமும், இளைஞா்களுக்கு விளையாட்டு திறனை ஊக்குவிக்க ரூ.60 லட்சத்தில் விளையாட்டுத் திடல்கள் அமைத்தல், தெருநாய்களுக்கு கருத்தடை செய்ய நாய் கருத்தடை மையம் அமைக்க ரூ.75 லட்சம் அரசிடம் நிதி பெற்று கட்டப்படும்.

சென்னை-பெங்களூரு தேசிய நெடுஞ்சாலையில் காஞ்சிபுரம் அருகே காரப்பேட்டையில் ரூ.35 கோடி மதிப்பில் புதிய பேருந்து நிலையம் அமைக்கப்படும். தற்போதுள்ள பேருந்து நிலையம் ரூ. ஒரு கோடியில் புனரமைப்பு செய்யப்படும் என்பன உட்பட 72 பக்க அறிக்கையை மேயா் வாசித்தாா். கூட்டத்தில் மாநகராட்சி அலுவலா்கள், மண்டலக்குழு தலைவா்கள், உறுப்பினா்கள் கலந்து கொண்டனா்.