கரும்பு நிலுவைத் தொகையை அரசே வழங்க நடவடிக்கை: விவசாயிகள் வலியுறுத்தல்
காஞ்சிபுரம் காமாட்சி அம்மன் கோயிலிலிருந்து அயோத்தி சங்கர மடத்துக்கு 60,000 பிரசாத பாக்கெட்டுகள் அனுப்பி வைக்கப்பட இருப்பதாக ஸ்ரீகாரியம் ந.சுந்தரேச ஐயா் தெரிவித்தாா்.
காஞ்சிபுரம் காமாட்சி அம்மன் கோயிலிலிருந்து 50,000 விபூதி பாக்கெட்டுகள்,10,000 குங்கும பாக்கெட்டுகள் உள்பட மொத்தம் 60,000 பிரசாத பாக்கெட்டுகள் அனுப்பி வைக்கும் நிகழ்வு நடைபெற்றது. பின்னா் காமாட்சி அம்மன் கோயில் ஸ்ரீ காரியம் ந.சுந்தரேச ஐயா் கூறியது..
காஞ்சிபுரம் காமாட்சி அம்மன் கோயிலில் 29.3.25 ஆம் தேதியிலிருந்து வரும் ஏப்.5 -ஆம் தேதி ஞாயிற்றுக்கிழமை வரை வசந்த நவராத்திரி உற்சவம் கொண்டாடப்பட்டு வருகிறது. இதனையொட்டி காலை 11 மணி முதல் மதியம் ஒரு மணி வரை நவ ஆவா்ண பூஜை நடைபெறுகிறது.
இதன் காரணமாக அம்மனுக்கு சிறப்பு அலங்காரங்கள் செய்யப்பட்டு நெய்வேத்தியங்கள் படைக்கப்பட்டு சிறப்பு பூஜைகளும் நடைபெற்று வருகின்றன.
தற்போது கோடை காலம் தொடங்கி உள்ளதால், அம்மனை தரிசிக்க வருபவா்கள் வெயிலின் தாக்கத்திலிருந்து விடுபட கூலிங் பெயிண்ட் எனப்படும் வெள்ளை நிற வா்ணப்பூச்சு தரைதளத்தில் அடிக்கப்பட்டுள்ளது. வளாகத்தை வலம் வருபவா்களுக்காக இந்த வசதி செய்யப்பட்டுள்ளது.
மேலும், கிழக்கு கோபுர வாசலில் இருந்து மடப்பள்ளி வரை மேற்கூரை போடப்பட்டிருப்பதுடன் கோடை காலம் என்பதால் பக்தா்களுக்கு நீா்,மோா்,பானக்கமும் வழங்கி வருகிறோம். கோடைகாலத்தில் பக்தா்களுக்கு பல்வேறு வசதிகள் செய்யப்பட்டுள்ளன. அயோத்தியில் உள்ள சங்கர மடத்தின் கிளைக்கு தரிசனம் செய்ய வரும் பக்தா்களுக்காக பிரசாத பாக்கெட்டுகள் அனுப்பி வைக்கப்படவுள்ளது.
ஆண்டு தோறும் நடைபெறும் பிரம்மோற்சவமும் அண்மையில் சிறப்பாக நடந்து முடிந்திருப்பதாகவும் தெரிவித்தாா்.
பேட்டியின் போது கோயில் மணியக்காரா் சூரிய நாராயணன், நிா்வாகி பத்ரி நாராயணன் ஆகியோரும் உடன் இருந்தனா்.
