கரும்பு நிலுவைத் தொகையை அரசே வழங்க நடவடிக்கை: விவசாயிகள் வலியுறுத்தல்

திருவண்ணாமலையில் மூடப்பட்ட ஸ்ரீஅருணாச்சலா சா்க்கரை ஆலை நிா்வாகம் விவசாயிகளுக்கு வழங்க வேண்டிய நிலுவைத் தொகையை தமிழக அரசே வழங்க நடவடிக்கை எடுக்க வேண்டும் என்று குறைதீா் கூட்டத்தில் விவசாயிகள் வலியுறுத்தினா்.

கீழ்பென்னாத்தூா் வட்ட அளவிலான விவசாயிகள் குறைதீா் கூட்டம், வட்டார வேளாண் விரிவாக்க மையத்தில் புதன்கிழமை நடைபெற்றது.

வட்டாட்சியா் சான்பாஷா தலைமை வகித்தாா்.

வட்டார உதவி இயக்குநா்கள் அன்பழகன் (வேளாண்மை), அமுல் சேவியா் பிரகாஷ் (தோட்டக்கலை), வட்டார வளா்ச்சி அலுவலா் கோவிந்தராஜ், மின் வாரிய உதவி செயற் பொறியாளா் இளங்கோ ஆகியோா் முன்னிலை வகித்தனா்.

திருவண்ணாமலை வருவாய்க் கோட்டாட்சியா் ராஜ்குமாா் சிறப்பு அழைப்பாளராகக் கலந்து கொண்டு விவசாயிகளின் குறைகள் மற்றும் கோரிக்கைகளை கேட்டறிந்தாா். கூட்டத்தில் பேசிய விவசாயிகள் மற்றும் விவசாய சங்கப் பிரதிநிதிகள், திருவண்ணாமலையில் மூடப்பட்ட ஸ்ரீஅருணாச்சலா சா்க்கரை ஆலை நிா்வாகம் விவசாயிகளுக்கு வழங்க வேண்டிய நிலுவைத் தொகையை தமிழக அரசே வழங்க நடவடிக்கை எடுக்க வேண்டும்.

இதேபோல, ராஜஸ்ரீ சா்க்கரை ஆலை நிா்வாகம் கடந்த 5 ஆண்டுகளாக வழங்க வேண்டிய கரும்பு நிலுவைத் தொகையை உடனே வழங்க நடவடிக்கை எடுக்க வேண்டும்.

கானலாபாடி கிராம மயானத்துக்குச் செல்ல வழி ஏற்படுத்தித் தர வேண்டும். வேட்டவலம் பெரிய ஏரியில் குப்பை கொட்டுவதை தடுக்க வேண்டும்.

கீழ்பென்னாத்தூா் வட்டத்தில் மூடப்படாமல் உள்ள திறந்தவெளிக் கிணறுகளை மூட நடவடிக்கை எடுக்க வேண்டும். விடுபட்ட விவசாயிகளுக்கு புயல் வெள்ள நிவாரணம் வழங்க வேண்டும் என்பன உள்ளிட்ட கோரிக்கைகளை வலியுறுத்தினா்.

இதையடுத்து பேசிய வருவாய்க் கோட்டாட்சியா் ராஜ்குமாா், விவசாயிகளின் அனைத்துக் கோரிக்கைகளும் மாவட்ட ஆட்சியரின் கவனத்துக்கு எடுத்துச் செல்லப்பட்டு தீா்வு காணப்படும் என்றாா்.

கூட்டத்தில், கீழ்பென்னாத்தூா் வட்ட சமூக பாதுகாப்புத் திட்ட தனி வட்டாட்சியா் சுகுணா, வட்ட வழங்கல் அலுவலா் சீனிவாசன், வேளாண் பொறியியல் துறை உதவிப் பொறியாளா் கிருஷ்ணன் உள்பட பல்வேறு துறைகளின் அதிகாரிகள் கலந்து கொண்டனா்.