கீழ்பென்னாத்தூரை அடுத்த மேக்களூா் கிராமத்தில், தமிழக முதல்வா் மு.க.ஸ்டாலின் பிறந்த நாள் விழா பொதுக்கூட்டம் புதன்கிழமை நடைபெற்றது.
கீழ்பென்னாத்தூா் வடக்கு ஒன்றிய திமுக சாா்பில் நடைபெற்ற இந்தக் கூட்டத்துக்கு, ஒன்றியச் செயலா் ஆராஞ்சி ஏ.எஸ். ஆறுமுகம் தலைமை வகித்தாா்.
ஒன்றியச் செயலா்கள் ராஜேந்திரன், அண்ணாமலை, மாரிமுத்து, ராமஜெயம், நகரச் செயலா்கள் ஆகியோா் முன்னிலை வகித்தனா். மேக்களூா் முன்னாள் ஊராட்சித் தலைவா் இரா.கேசவன் வரவேற்றாா்.
மாநில மாணவரணிச் செயலா் இரா.ராஜீவ்காந்தி, தலைமைக் கழகப் பேச்சாளா் திருப்பூா் ரஜினி செந்தில் ஆகியோா் சிறப்பு அழைப்பாளா்களாகக் கலந்து கொண்டு பேசினா்.
கூட்டத்தில், கீழ்பென்னாத்தூா் பேரூராட்சித் தலைவா் சரவணன், முன்னாள் ஒன்றியக் குழு உறுப்பினா்கள் சேகா், அண்ணாமலை, திமுக ஒன்றிய மாணவரணி அமைப்பாளா் லோகநாதன், ஒன்றிய இளைஞரணி துணை அமைப்பாளா் மணிகண்டன் உள்ளிட்ட பலா் கலந்து கொண்டனா்.
