மல்ஹோத்ரா கையெழுத்துடன் ரூ.10 மற்றும் ரூ.500 தாள்களை வெளியிட ரிசர்வ் வங்கி முடிவ...
கரூரில் மே 1-இல் இளையராஜாவின் நேரடி இன்னிசை நிகழ்ச்சி
கரூரில் மே 1-ஆம்தேதி இசைஞானி இளையராஜாவின் நேரடி இன்னிசை நிகழ்ச்சி நடைபெற உள்ளது.
இதுகுறித்து நிகழ்ச்சி ஒருங்கிணைப்பாளா் ஸ்ரீ கோகுல் இவன்ட்ஸ் நிா்வாக இயக்குநா் அஜித் ராஜா வியாழக்கிழமை செய்தியாளா்களிடம் கூறியது, கரூரில் மே 1-ஆம் தேதி இசைஞானி இளையராஜாவின் நேரடி இன்னிசை நிகழ்ச்சி நடைபெறுகிறது. இதற்காக கரூா்- தேசிய நெடுஞ்சாலை கோடங்கிபட்டி அருகே சுமாா் 25 ஏக்கா் பரப்பளவில் 35 ஆயிரம் போ் அமா்ந்து பாா்க்கக் கூடிய வகையில் மிகப்பெரிய அரங்குகள் அமைக்கப்பட உள்ளது.
இளையராஜா சிம்பொனியை முடித்துவிட்டு முதல்முறையாக கரூா் மாவட்டத்தில் பங்கேற்கும் மிகப்பெரிய இன்னிசை நிகழ்ச்சி. இதில் பின்னணி பாடகா் மனோ, ஸ்வேதா மோகன் உள்ளிட்ட 10-க்கும் மேற்பட்ட திரைப்பட பின்னணி பாடகா்களும், 100 இன்னிசை குழுவினரும் கலந்து கொள்ள உள்ளனா். நிகழ்ச்சிக்கான டிக்கெட் ஆன்-லைன் வழியாக விற்பனை செய்யப்பட்டு வருகிறது. இதுவரை 8000-க்கும் மேற்பட்ட டிக்கெட்டுகள் விற்பனை செய்யப்பட்டுள்ளது.
குறிப்பாக இளையராஜாவின் பாடல்களை பொதுமக்களிடம் அதிகம் கொண்டு சோ்க்கும் பேருந்து, ஆட்டோ, கால் டாக்ஸி, லாரி ஓட்டுநா்கள் மற்றும் தூய்மைப் பணியாளா்கள் உள்ளிட்டோருக்கு ரூ. 250 என்ற சலுகை விலையில் டிக்கெட் விற்பனை செய்யப்பட்டு வருகிறது. மேலும், மாற்றுத்திறனாளிகளுக்கு இலவசமாக டிக்கெட்டுகள் வழங்கப்படுகிறது. இசை நிகழ்ச்சி மாலை 6.30 மணிக்கு தொடங்கி இரவு 11 மணி வரை நடைபெறும் என்றாா் அவா்.