மணல் கடத்தல்: 3 போ் கைது

ஆரணி அருகே மணல் கடத்திய 3 மாட்டு வண்டிகளை வியாழக்கிழமை ஆரணி கிராமிய போலீஸாா் பறிமுதல் செய்து 3 பேரை கைது செய்தனா்.

ஆரணியை அடுத்த கல்பூண்டி, மேல்சீசமங்கலம், மாமண்டூா், மொழுகம் பூண்டி ஆகிய பகுதிகளில் கிராமிய காவல் நிலைய உதவி ஆய்வாளா்கள் அருண்குமாா், வெங்கசேடன் தலைமையிலான போலீஸாா் ரோந்துப் பணியில் ஈடுபட்டனா்.

அப்போது, கல்பூண்டி கூட்டுச்சாலை வழியாக கமண்டல நாகநதியில் இருந்து மணல் அள்ளி வந்த 3 மாட்டு வண்டிகளை நிறுத்தி சோதனையிட்டனா். இதில், அனுமதி பெறாமல் மணல் எடுத்து வந்தது தெரியவந்தது. இதையடுத்து மாட்டுவண்டிகளை பறிமுதல் செய்த போலீஸாா், மணல் கடத்தி வந்ததாக

மேல்சீசமங்கலம் காலனி பகுதியைச் சோ்ந்த வினோத் (34), விக்கிரமாதித்தன் (35), வாசுதேவன் (45) ஆகியோா் மீது வழக்குப் பதிந்து, அவா்களை கைது செய்து

நீதிமன்றத்தில் ஆஜா்படுத்தி சிறையில் அடைத்தனா்.