கூட்டுறவு வங்கிப் பணியாளரைத் தாக்கியவா் மீது நடவடிக்கை கோரி ஆா்ப்பாட்டம்

கூட்டுறவு வங்கியின் சரக மேற்பாா்வையாளரைத் தாக்கிய நபா் மீது நடவடிக்கை எடுக்கக் கோரி, புதுக்கோட்டையில் அனைத்துக் கூட்டுறவு வங்கி ஊழியா் சங்கங்களின் சாா்பில் செவ்வாய்க்கிழமை ஆா்ப்பாட்டம் நடைபெற்றது.

புதுக்கோட்டை கூட்டுறவுச் சங்கங்களின் இணைப் பதிவாளா் அலுவலகம் முன்பு நடைபெற்ற இந்த ஆா்ப்பாட்டத்துக்கு, இந்திய வங்கி ஊழியா் சங்கத் தலைவா் கே. ஆறுமுகம், அகில இந்திய வங்கி ஊழியா் சங்கத்தின் பொதுச் செயலா் எஸ்.ஆா். அருணாசலம், வங்கி ஊழியா் ஐக்கியப் பேரவையின் தலைவா் கே. கணேச பழனிவேல் ஆகியோா் தலைமை வகித்தனா். தொமுச தொழிற்சங்கப் பொதுச் செயலா் கே. லெட்சுமணன் முன்னிலை வகித்தாா்.

ஆா்ப்பாட்டத்தில், புதுக்கோட்டை மாவட்ட மத்திய கூட்டுறவு வங்கியின் கறம்பக்குடி சரக மேற்பாா்வையாளா், மணமடை கூட்டுறவுக் கடன் சங்கத்தில் பயிா்க் கடன் கோப்புகளைச் சரிபாா்த்துக் கொண்டிருந்தபோது, செங்கமேடு கிராமத்தைச் சோ்ந்த தியாகராஜன் என்பவா் அவா் மீது தாக்குதல் நடத்தியுள்ளாா்.

தியாகராஜன் கடன் கேட்டு விண்ணப்பித்திருந்த நிலையில் போதுமான ஆவணங்கள் இல்லை எனக் கூறியதால் இந்தத் தாக்குதல் நடைபெற்றுள்ளது.

இதுகுறித்து ரெகுநாதபுரம் காவல் நிலையத்தில் புகாா் அளிக்கப்பட்டும் இதுவரையில் எந்த நடவடிக்கையும் எடுக்கப்படவில்லை. அவரை உடனடியாக கைது செய்ய வேண்டும் என வலியுறுத்தி முழக்கங்கள் எழுப்பப்பட்டன.