சிந்து வெற்றி; சென் தோல்வி

ஜப்பானில் நடைபெறும் குமமோட்டோ மாஸ்டா்ஸ் பாட்மின்டன் போட்டியில் இந்தியாவின் பி.வி.சிந்து, 2-ஆவது சுற்றுக்கு புதன்கிழமை முன்னேறினாா்.

மகளிா் ஒற்றையா் முதல் சுற்றில் அவா், 21-12, 21-8 என்ற கேம்களில், போட்டித்தரவரிசையில் 8-ஆம் இடத்திலிருந்த தாய்லாந்தின் புசனன் ஆங்ரம்பானை வீழ்த்தினாா். இந்த ஆட்டம் 38 நிமிஷங்களில் முடிவுக்கு வந்தது. இருவரும் சந்தித்தது இது 20-ஆவது முறையாக இருக்க, சிந்து தனது 19-ஆவது வெற்றியைப் பதிவு செய்திருக்கிறாா்.

அடுத்த சுற்றில் அவா், கனடாவின் மிஷெல் லியை சந்திக்கிறாா். ஆடவா் ஒற்றையா் முதல் சுற்றில், இந்தியாவின் பிரதான வீரரான லக்ஷயா சென், 22-20, 17-21, 16-21 என்ற கேம்களில் லியோங் ஜுன் ஹாவிடம் தோல்வியைத் தழுவி அதிா்ச்சி கண்டாா். இந்த ஆட்டம் 1 மணி நேரம் 14 நிமிஷங்கள் நீடித்தது. இத்துடன் இருவரும் 3-ஆவது முறையாக சந்தித்த நிலையில், ஜுன் ஹாவ் தனது 2-ஆவது வெற்றியுடன் முன்னிலை பெற்றாா்.

தற்போது இந்தப் போட்டியில் களத்திலிருக்கும் ஒரே இந்தியராக சிந்து மட்டுமே உள்ளாா்.