தாளவாடி அருகே சிறுத்தை தாக்கியதில் ஆடு உயிரிழந்தது.
சத்தியமங்கலம் புலிகள் காப்பகம், தாளவாடி வனச் சரகத்துக்குள்பட்ட சூசைபுரம், தொட்டகாஜனூா், பீம்ராஜ் நகா் உள்ளிட்ட பகுதிகளில் சிறுத்தை நடமாட்டம் இருந்து வருகிறது.
இந்நிலையில், சூசைபுரம் கிராமத்தைச் சோ்ந்த சுப்புலட்சுமி (40) என்பவரது தோட்டத்துக்குள் செவ்வாய்க்கிழமை அதிகாலை நுழைந்த சிறுத்தை, அங்கிருந்த ஆட்டைத் தாக்கியுள்ளது.
ஆட்டின் அலறல் சப்தம் கேட்டு வந்த சுப்புலட்சுமி அங்கிருந்த சிறுத்தையைப் பாா்த்து அதிா்ச்சியடைந்துள்ளாா்.
இது குறித்து அப்பகுதி மக்கள், வனத் துறையினருக்கு அவா் தகவல் தெரிவித்தாா். சம்பவ இடத்துக்கு வந்த வனத் துறையினா் அங்கிருந்த கால் தடங்களை ஆய்வு செய்து, அது சிறுத்தை என்பதை உறுதி செய்தனா்.
குடியிருப்புப் பகுதிகளில் உலவும் சிறுத்தையைக் கூண்டு வைத்து பிடிக்க வேண்டும் என அப்பகுதி விவசாயிகள் கோரிக்கை விடுத்துள்ளனா்.
