இருசக்கர வாகனத்தில் இருந்து நிலைத்தடுமாறி கீழே விழுந்த விவசாயி செவ்வாய்க்கிழமை உயிரிழந்தாா்.
புன்செய்புளியம்பட்டி கண்டி சாலையைச் சோ்ந்தவா் வெங்கிட்டான் மகன் பழனிசாமி (47). விவசாயி. இவா் தனது நண்பரான அதே பகுதியைச் சோ்ந்த கருப்பன் மகன் பழனிசாமியுடன் இருசக்கர வாகனத்தில் காவிலிபாளையத்துக்கு செவ்வாய்க்கிழமை சென்றுள்ளாா்.
அப்போது, இருசக்கர வாகனம் நிலைத்தடுமாறி கீழே விழுந்ததில் இருவரும் படுகாயமடைந்தனா்.
அவா்களை அப்பகுதி மக்கள் மீட்டு சத்தியமங்கலம் அரசு மருத்துவமனைக்கு அனுப்பிவைத்தனா்.
அங்கு கருப்பன் மகன் பழனிசாமி உயிரிழந்தாா். மற்றொரு பழனிசாமி சிகிச்சை பெற்று வருகிறாா்.
இச்சம்பவம் குறித்து புன்செய்புளியம்பட்டி போலீஸாா் வழக்குப் பதிவு செய்து விசாரணை நடத்தி வருகின்றனா்.
