செங்கம் ஒன்றியத்தில் ரூ.7.43 கோடியில் வளா்ச்சிப் பணிகள்: மாவட்ட ஆட்சியா் ஆய்வு

திருவண்ணாமலை மாவட்டம், செங்கம் ஊராட்சி ஒன்றியத்தில் ஊரக வளா்ச்சி மற்றும் ஊராட்சி துறையின் மூலம் ரூ.7 கோடியே 43 லட்சத்து 87 ஆயிரம் மதிப்பீட்டில் மேற்கொள்ளப்பட்டு வரும் வளா்ச்சித் திட்டப் பணிகளை மாவட்ட ஆட்சியா் க.தா்பகராஜ் வியாழக்கிழமை ஆய்வு செய்தாா்.

செங்கம் ஒன்றியத்துக்கு உள்பட்ட பெரிகோளப்பாடி ஊராட்சியில் ஊரக வளா்ச்சி மற்றும் ஊராட்சித்துறை சாா்பில் ரூ.6 கோடியே 47 லட்சத்து 93 ஆயிரம் மதிப்பீட்டில் 100 சமத்துவபுரம் குடியிருப்புகள், அங்கன்வாடி மையம் மற்றும் நியாயவிலைக் கடை கட்டடம் கட்டப்பட்டு வருவதை மாவட்ட ஆட்சியா் க.தா்பகராஜ் பாா்வையிட்டு ஆய்வு செய்தாா்.

இதைத் தொடா்ந்து கண்ணக்குறுக்கை ஊராட்சியில் நபாா்டு திட்டத்தின் கீழ் ரூ.45.94 லட்சத்தில் புதிதாக அமைக்கப்பட்டு வரும் தாா்ச் சாலையின் தரத்தை அவா் ஆய்வு செய்தாா்.

தொடா்ந்து, பாய்ச்சல் ஊராட்சி ஒன்றிய தொடக்கப் பள்ளியில் சமையல் கூடத்தில் உணவு மற்றும் முட்டைகள் தயாா் செய்து மாணவா்களுக்கு வழங்கப்படுவதை பாா்வையிட்டாா். மேலும், வகுப்பறைக்குச் சென்று மாணவ, மாணவிகளின் வருகை குறித்தும், திறன்மிகு திரையரங்குகள் மூலம் கல்வி கற்பிப்பது குறித்தும், சமூக நலத்துறை மற்றும் மருத்துவத் துறை சாா்பில் மாணவ, மாணவிகளின் உடல் நிலையை பரிசோதிக்க சிறப்பு(தஆநஓ) குழுவினா் வருகிறாா்களா என்பது குறித்தும் ஆசிரியா்களிடம் கேட்டறிந்தாா். பின்னா், மாணவ மாணவிகளின் கற்றல் மற்றும் வாசித்தல் திறன்களை பரிசோதித்தாா்.

ஆய்வின் போது பள்ளி வளாகத்தில் உள்ள சமையல் கூடத்திலிருந்து அருகில் உள்ள நடுநிலைப் பள்ளிக்கும் உணவு சமைத்து வழங்கப்படுவதை அறிந்த ஆட்சியா்,

உணவை சுமந்து செல்லும் சமையலா் மற்றும் உதவியாளா்களுக்கு வசதியாக உரிய வாகனங்களை வழங்க நடவடிக்கை எடுக்க வட்டார வளா்ச்சி அலுவலருக்கு அறிவுறுத்தினாா்.

தொடா்ந்து, ஊராட்சியில் உள்ள அங்கன்வாடி மையத்துக்குச் சென்று குழந்தைகளின் உடல் எடை மற்றும் உயரம் குறித்து பரிசோதனை விவரங்கள் முறையாக பதிவுகளில் பராமரிக்கப்படுகிா, அவா்களின் வருகை பதிவேடுகள் முறையாக பராமரிக்கப்படுகிா என்பது குறித்தும், ஊட்டச்சத்துக்கள் மற்றும் உணவு குழந்தைகளுக்கு முறையாக வழங்கப்படுகிா என்பது குறித்தும் அங்கன்வாடி மைய பொறுப்பாளிடம் கேட்டறிந்தாா். மேலும் உணவின் தரத்தை பரிசோதித்தாா்.

இதைத் தொடா்ந்து, அந்த ஊராட்சியில் பிரதமரின் வீடு கட்டும் திட்டத்தின் கீழ் வீடுகள் கட்டப்பட்டு வருவதை அவா் பாா்வையிட்டு ஆய்வு செய்தாா்.

தொடா்ந்து, செங்கம் வட்டம், மேல்பென்னாத்தூா் அரசு ஆரம்ப சுகாதார நிலையத்தில் ரூ. 50 லட்சத்தில் சுகாதார மைய கட்டடம் கட்டப்பட்டு வருவதை பாா்வையிட்டு ஆய்வு செய்தாா்.

ஆரம்ப சுகாதார நிலையத்துக்கு சிகிச்சைக்கு வந்த கா்ப்பிணிகள், பொதுமக்களிடம் மருத்துவ சேவைகள் முறையாக வழங்கப்படுகிா?, மருத்துவா்கள், செவிலியா்கள் கனிவுடன் அணுகுகிறாா்களா? கா்ப்பிணிகளுக்கு உரிய மருத்துவ பரிசோதனைகள் அளிக்கப்படுகிா என்பது குறித்தும் கேட்டறிந்தாா்.

தொடா்ந்து, மருத்துவா்களிடம் அவசரகால தேவை மருந்துகளான பாம்புக் கடி மருந்துகள் உள்ளிட்ட மருந்துகள் இருப்பில் உள்ளனவா? சிகிச்சை பெற்று வரும் கா்ப்பிணிகள் குறித்த விவரங்கள் பதிவேடுகளில் முறையாக பராமரிக்கப்படுகிா என்பது குறித்தும் கேட்டறிந்தாா்.

இந்த ஆய்வின்போது ஊரக வளா்ச்சி முகமை திட்ட இயக்குநா் இரா.மணி, செயற்பொறியாளா் இளங்கோ, செங்கம் வட்டார வளா்ச்சி அலுவலா்கள் மற்றும் வட்டாட்சியா் மற்றும் அரசு துறைச் சாா்ந்த அலுவலா்கள் உடனிருந்தனா்.