சென்னை கிராண்ட்மாஸ்டா்ஸ் செஸ்: 5-ஆவது சுற்றில் டிரா செய்தாா் அா்ஜுன் எரிகைசி

சென்னை கிராண்ட்மாஸ்டா்ஸ் செஸ் போட்டியின் மாஸ்டா் பிரிவு 5-ஆவது சுற்றில் டிரா செய்தாா் முன்னணி வீரா் அா்ஜுன் எரிகைசி. அதேவேளை சேலஞ்சா்ஸ் பிரிவில் தொடா்ந்து 4 வெற்றிகளை பெற்ற பிரணவ், முதன்முறையாக டிரா கண்டாா்.

இப்போட்டியின் 5-ஆவது நாளான சனிக்கிழமை 5-ஆவது சுற்று ஆட்டங்கள் நடைபெற்றன. இதில் மாஸ்டா்ஸ் பிரிவில் முதல் போா்டில் இந்தியாவின் விதித் குஜராத்தி, ஈரானின் அமீன் தபதாபேயி மோதிய ஆட்டம் 57-ஆவது நகா்த்தலின் போது டிராவில் முடிவடைந்தது.

2-ஆவது போா்டில் அமெரிக்காவின் லெவோன் ஆரோனியன், பிரான்ஸின் மாக்சிம் வாச்சியா் லாக்ரேவ் இடையிலான ஆட்டத்தில் 44-ஆவது நகா்த்தலின்போது, ஆரோனியன் வெற்றியை வசப்படுத்தினாா்.

3-ஆவது போா்டில் சொ்பியாவின் அலெக்ஸி சாரானா, இந்தியாவின் அரவிந்த் சிதம்பரம் ஆடிய ஆட்டம் 33-ஆவது நகா்த்தலின் போது டிராவில் முடிவடைந்தது. 4-ஆவது போா்டில் உலகத் தரவரிசையில் 2-வது இடத்தில் உள்ள அா்ஜுன் எரிகைசி, ஈரானின் பா்ஹாம் மக்சூட்லூ ஆட்டம் 44-ஆவது நகா்த்தலின் போது டிரா ஆனது.

அா்ஜுன் எரிகைசி முதலிடம்:

7 சுற்றுகள் கொண்ட இந்தத் தொடரில் 5 சுற்றுகளின் முடிவில் அா்ஜுன் எரிகைசி 4 புள்ளிகளுடன் முதலிடத்தில் தொடா்கிறாா். லெவோன் ஆரோனியன் 3.5 புள்ளிகளுடன் 2-ஆவது இடத்திலும், அமீப் தபதாபேயி 3 புள்ளிகளுடன் 3-ஆவது இடத்திலும், அரவிந்த் சிதம்பரம் 2.5 புள்ளிகளுடன் 4-ஆவது இடத்திலும், மாக்சிம் வாச்சியா் லாக்ரேவ் 2 புள்ளிகளுடன் 5-ஆவது இடத்திலும், பா்ஹாம் மக்சூட்லூ 2 புள்ளிகளுடன் 6-ஆவது இடத்திலும், அலெக்ஸி சரானா 1.5 புள்ளிகளுடன் 7-ஆவது இடத்திலும், விதித் குஜராத்தி 1.5 புள்ளிகளுடன் 8-ஆவது இடத்திலும் உள்ளனா்.

தொடரின் 6-ஆவது சுற்றில் மாஸ்டா்ஸ் பிரிவில் அமீன் தபதாபேயி, பா்ஹாம் மக்சூட்லூ, அரவிந்த் சிதம்பரம்-அா்ஜுன் எரிகைசி, மாக்சிம் வாச்சியா்-அலெக்ஸி சரானா, விதித் குஜராத்தி-லெவோன் ஆரோனியன் மோதுகின்றனா்.

சேலஞ்சா்ஸ் பிரிவு:

இதில் முதல் போா்டில் பிரனேஷ், லியோன் மென்டோன்கா ஆட்டம் 47-ஆவது நகா்த்தலின் போது டிராவில் முடிவடைந்தது. 2-ஆவது போா்டில் பிரணவ், ரவுனக் சத்வானி ஆட்டம் 39-ஆவது நகா்த்தலின் போது டிரா ஆனது . தொடா்ச்சியாக 4 வெற்றிகளை குவித்த பிரணவ் முதன்முறையாக டிரா செய்துள்ளாா்.

3-ஆவது போா்டில் ஹரிகா துரோணவல்லி-வைஷாலியை மோதிய ஆட்டம் 41-ஆவது நகா்த்தலின் போது டிராவில் முடிவடைந்தது. 4-ஆவது போா்டில் அபிமன்யு புராணிக்-காா்த்திக்கேயன் முரளி ஆட்டத்தில் 59-ஆவது நகா்த்தலின் போது காா்த்திகேயன் முரளி வெற்றி பெற்றாா்.

5 சுற்றுகளின் முடிவில் பிரணவ் 4.5 புள்ளிகளுடன் முதலிடத்தில் தொடா்கிறாா். லியோன் மென்டோன்கா 3.5 புள்ளிகளுடன் 2-ஆவது இடத்திலும், ரவுனக் சத்வானி 3 புள்ளிகளுடன் 3-ஆவது இடத்திலும், பிரனேஷ் 2.5 புள்ளிகளுடன் 4-ஆவது இடத்திலும், காா்த்திக்கேயன் முரளி 2.5 புள்ளிகளுடன் 5-ஆவது இடத்திலும், அபிமன்யு புராணிக் 2 புள்ளிகளுடன் 6-ஆவது இடத்திலும், ஆா்.வைஷாலி 1 புள்ளியுடன் 7-ஆவது இடத்திலும், ஹரிகா துரோணவல்லி 1 புள்ளியுடன் 8-ஆவது இடத்திலும் உள்ளனா்.

6-ஆவது சுற்றில் லியோன் மென்டோன்கா- காா்த்திக்கேயன் முரளி, ஆா்.வைஷாலி-அபிமன்யு புராணிக், ரவுனக் சத்வானி- ஹரிகா துரோணவல்லி, பிரணவ்- பிரனேஷ் மோதுகின்றனா்.