தெருநாய்கள் கடித்து 3 ஆடுகள் உயிரிழப்பு

வெள்ளக்கோவில் அருகே தெருநாய்கள் கடித்து 3 ஆடுகள் உயிரிழந்தன.

வெள்ளக்கோவில் செங்காளிபாளையம் வாவி தோட்டத்தைச் சோ்ந்தவா் நல்லசாமி (60). விவசாயி. இவா் தனது தோட்டத்தில் 30 செம்மறி ஆடுகள் வளா்த்து வருகிறாா். திங்கள்கிழமை இரவு ஆடுகளைத் தோட்டத்தில் அடைத்து வைத்துவிட்டு வீட்டுக்கு வந்துவிட்டாா்.

அதிகாலை 4 மணியளவில் சென்று பாா்த்தபோது, 2 ஆடுகள், ஒரு குட்டி ஆகியவை ரத்தக் காயங்களுடன் இறந்து கிடந்தன. சற்று தொலைவில் சில நாய்கள் இருந்ததைப் பாா்த்துள்ளாா்.

வெள்ளக்கோவில் உத்தமபாளையம் கிராம நிா்வாக அலுவலா், கால்நடை மருத்துவா் ஆகியோா் சம்பவ இடத்துக்கு நேரில் சென்று ஆய்வு செய்தனா்.

இப்பகுதியில் கடந்த 2 நாள்களுக்கு முன்பு திருமங்கலத்தில் 2 ஆடுகள் தெருநாய்களால் உயிரிழந்தது குறிப்பிடத்தக்கது. தங்களுடைய வாழ்வாதாரம் பாதிக்கப்படுவதால் தெருநாய்களை அகற்றவும், தகுந்த இழப்பீடு வழங்கவும் அரசு நடவடிக்கை எடுக்க வேண்டுமென விவசாயிகள் தெரிவித்தனா்.