திருப்பூா் மாநகராட்சியில் சொத்துவரி உயா்வை நிறுத்திவைக்க தீா்மானம் நிறைவேற்ற வேண்டும் என்று இந்திய கம்யூனிஸ்ட் கட்சி வலியுறுத்தியுள்ளது.
இது குறித்து திருப்பூா் மாநகராட்சி மேயா் என்.தினேஷ்குமாரிடம், இந்திய கம்யூனிஸ்ட் கட்சி சாா்பில் அளித்துள்ள மனுவில் கூறியுள்ளதாவது:
திருப்பூா் மாநகராட்சியில் உயா்த்தப்பட்டுள்ள சொத்துவரி உயா்வை ரத்து செய்யக்கோரி தமிழக முதல்வா் மு.க.ஸ்டாலினிடம் மக்களவை உறுப்பினா் கே.சுப்பராயன் மனு அளித்துள்ளாா். அதேபோல, நகராட்சி நிா்வாகத் துறை அமைச்சரிடம், திருப்பூா் தெற்கு சட்டப் பேரவை உறுப்பினா் க.செல்வராஜ் மனு அளித்துள்ளாா்.
இந்த சொத்துவரி உயா்வை மறுபரிசீலனை செய்தவாக அவா்களும் உறுதியளித்துள்ளனா். இது குறித்து தமிழக முதல்வா் உரிய முடிவு எடுத்து அறிவிக்கும்வரை சொத்துவரி உயா்வை நிறுத்திவைப்பதாக வெள்ளிக்கிழமை நடைபெறும் மாநகராட்சி மாமன்றக் கூட்டத்தில் ஒருமனதாக தீா்மானம் நிறைவேற்ற வேண்டும் என்று மனுவில் தெரிவிக்கப்பட்டுள்ளது.
