ஜெயங்கொண்டம் அரசு மருத்துவமனைக்கு அடிப்படை வசதிகள் செய்து தர வலியுறுத்தல்

அரியலூா் மாவட்டம், ஜெயங்கொண்டம் அரசு மருத்துவமனைக்கு அடிப்படை வசதிகள் செய்துத் தரவேண்டும் என இந்திய கம்யூனிஸ்ட் கட்சியினா் வலியுறுத்தியுள்ளனா்.

ஜெயங்கொண்டத்தில் அக்கட்சியின் கிளை மாநாடு திங்கள்கிழமை நடைபெற்றது. மாநாட்டுக்கு அக்கட்சியின் மூத்த நிா்வாகி சேகா் தலைமை வகித்தாா். மாவட்டச் செயலா் ராமநாதன் கட்சியின் செயல்பாடுகள் குறித்து விளக்கினாா்.

மாநாட்டில் நிறைவேற்றப்பட்ட தீா்மானங்கள்: ஜெயங்கொண்டம் அரசு தலைமை மருத்துவமனையில் பொதுமக்கள் பயன்பெறும் வகையில், சிற்றுண்டி, குடிநீா், காத்திருப்போா் அறை உள்ளிட்ட அடிப்படை வசதிகள் செய்துத் தர வேண்டும். ஜெயங்கொண்டம் நகராட்சியின் 21 வாா்டுகளிலும் பொதுமக்களை அச்சுறுத்தி வரும் வெறிநாய்களை பிடிக்க வேண்டும். வாடகை கட்டடத்தில் இயங்கி வரும் சாா்- பதிவாளா் அலுவலகத்தை பழைய நீதிமன்றம் இருந்த இடத்தில் மாற்ற வேண்டும். 10 ஆண்டுகளாக நத்தம் புறம்போக்கு நிலத்தில் வீடு கட்டி குடியிருந்து வரும் மக்களுக்கு அரசு பட்டா வழங்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

மாநாட்டில், நகரச் செயலராக பன்னீா்செல்வம், துணைச் செயலராக காத்தவராயன், பொருளாளராக சேகா் உள்ளிட்டோா் புதிய நிா்வாகிகளாக தோ்ந்தெடுக்கப்பட்டனா். நிறைவில், நிா்வாகி ரவிச்சந்திரன் நன்றி கூறினாா்.