நடிகர் ரஜினிகாந்த்தின் ஜெயிலர் - 2 படப்பிடிப்பு குறித்து தகவல் வெளியாகியுள்ளது.
நடிகர் ரஜினிகாந்த் கூலி திரைப்படத்தின் படப்பிடிப்பை முடித்துவிட்டு ஜெயிலர் - 2 படப்பிடிப்பில் உள்ளார். கூலி திரைப்படம் ஆகஸ்ட் 14 ஆம் தேதி திரைக்கு வருகிறது.
ஜெயிலர் - 2 அடுத்தாண்டு திரைக்கு வரும் என்பதால் படப்பிடிப்பில் முக்கிய நடிகர்கள் கலந்துகொண்டுள்ளனர்.
படத்தின் படப்பிடிப்பு சென்னையில் துவங்கி தற்போது கேரளத்தில் விறுவிறுப்பாக நடைபெற்று வருகிறது. இதில், ரஜினியை எதிரிகள் தேடிவருவதுபோலவும் அவர் தாக்குதல் நடத்துவது போலவும் காட்சிகள் எடுக்கப்பட்டு வருவதாகக் கூறப்படுகிறது.
இப்பாகத்திலும் நடிகர் மோகன்லால் சிறிய தோற்றத்தில் நடிப்பார் என எதிர்பார்க்கப்படுகிறது. இந்த நிலையில், இப்படத்தின் படப்பிடிப்பு 50 சதவீதம் முடிவடைய உள்ளதாகத் தகவல்கள் தெரிவிக்கின்றன.
இடைவெளி விட்டே படப்பிடிப்பு நடத்தத் திட்டமிட்டுள்ளதால் டிசம்பரில் படப்பிடிப்பு முடிந்து மார்ச் வெளியீட்டாக படம் திரைக்கு வரலாம் எனத் தெரிகிறது.
இதையும் படிக்க: தொடர்ந்து ரூ. 100 கோடிக்கும் மேல் வசூலித்த தனுஷ்!
