டிஜிட்டல் பயிா் கணக்கெடுப்பு: ஆட்சியா் ஆய்வு

காஞ்சிபுரம் அருகே விச்சந்தாங்கலில் டிஜிட்டல் பயிா் கணக்கெடுப்பு செய்யும் பணிகளை ஆட்சியா் கலைச்செல்வி மோகன் வியாழக்கிழமை ஆய்வு மேற்கொண்டாா்.

காஞ்சிபுரம் மாவட்டத்தில் கடந்த 11-ஆம் தேதியிலிருந்து பயிா் சாகுபடி பரப்பு கணக்கீடு செய்யும் பணிகள் தொடங்கப்பட்டுள்ளன. விவசாயிகள் தங்கள் வயலில் சாகுபடி செய்துள்ள பயிா்களை ஆவணப் படுத்த வேண்டும் என்ற அடிப்படையில் கணக்கிடும் பணிகள் நடைபெற்று வருகின்றன.

இப்பணியானது காஞ்சிபுரம் மாவட்டத்தில் 5 வட்டாரங்களில் உள்ள 519 கிராமங்களில் நடந்து வருகிறது. தோட்டக்கலைத்துறை,வேளாண் பொறியியல் துறை, வணிகத்துறை, விதைச்சான்று துறை மற்றும்தோட்டக்கலை பட்டயப்படிப்பு கல்லூரி மாணவா்களைக் கொண்டு டிஜிட்டல் பயிா் சாகுபடி கணக்கெடுக்கப்பட்டு வருகிறது.

தோட்டக்கலைத்துறையில் பட்டயப்படிப்பு மற்றும் கல்லூரி மாணவா்களுக்கு கணக்கெடுப்பு பணி குறித்து முன்கூட்டியே பயிற்சி மற்றும் செயல்முறை விளக்கம் அளிக்கப்பட்டுள்ளது. இதன் அடிப்படையில் வாலாஜாபாத் அருகே விச்சந்தாங்கலில் பயிா் சாகுபடி மதிப்பீடு கைப்பேசி செயலி வாயிலாக பதிவேற்றம் செய்யப்படுகிறது. பணிகளைப் பாா்வையிட்ட ஆட்சியா் உரிய காலத்தில் பணிகளை செயல்படுத்த அறிவுரைகள் வழங்கினாா்.

ஆய்வின் போது வேளாண்மை இணை இயக்குநா் ரா.ராஜ்குமாா், துணை இயக்குநா் கிருஷ்ணவேணி ஆகியோரும் உடன் இருந்தனா்.