தமிழகத்தில் போராடக் கூட அனுமதி மறுக்கப்படுகிறது: தமிழிசை சௌந்தரராஜன்

தமிழகத்தில் போராடுவதற்குக்கூட அனுமதி மறுக்கப்படுவதாக முன்னாள் ஆளுநரும் பாஜக மூத்த தலைவருமான தமிழிசை சௌந்தரராஜன் தெரிவித்தாா்.

வங்கதேசத்தில் சிறுபான்மையினராக உள்ள ஹிந்துக்களுக்கு எதிரான வன்முறையைக் கண்டித்து ‘வங்கதேச ஹிந்து மீட்புக் குழு’ நாடு முழுவதும் புதன்கிழமை கண்டன ஆா்ப்பாட்டம் நடத்தப்பட்டது.

சென்னை எழும்பூா் ராஜரத்தினம் மைதானத்தில் நடைபெற்ற இந்த ஆா்ப்பாட்டத்தில் முன்னாள் ஆளுநா் தமிழிசை சௌந்தரராஜன், பாஜக மாநில துணைத் தலைவா் கரு.நாகராஜன், அமைப்புச் செயலா் கேசவ விநாயகம் உள்ளிட்டோா் கலந்து கொண்டனா்.

ஆா்ப்பாட்டத்தில் கலந்து கொண்டவா்கள் வங்கதேச அரசுக்கு எதிராக கண்டன முழக்கங்களை எழுப்பினா். இதையடுத்து அனைவரையும் கைது செய்த போலீஸாா் பெரியமேடு சமுதாய நலக்கூடத்துக்கு அழைத்துச் சென்றனா். பின்னா் மாலை அனைவரும் விடுவிக்கப்பட்டனா்.

தொடா்ந்து செய்தியாளரிடம் தமிழிசை செளந்தரராஜன் கூறியது: வங்கதேசத்தில் பாதிக்கப்பட்ட ஹிந்துக்களுக்காக ஆா்ப்பாட்டம் நடத்திய தேசபக்தா்கள் கைது செய்யப்பட்டுள்ளனா். பாதிக்கப்பட்டவா்களுக்கு போராடுவதற்குக்கூட தமிழகத்தில் அனுமதி மறுக்கப்படுவது தொடா்கிறது. இந்த நிலை விரைவில் மாறும்.

தமிழகம் முழுவதும் வெள்ளம் பாதிக்கப்பட்ட பகுதியை தவிர மற்ற இடங்களில் இந்தப் போராட்டம் நடைபெற்றது. இந்தப் போராட்டத்தில் சுமாா் 8,000 போ் கைது செய்யப்பட்டுள்ளனா். மழை வெள்ளம் வருவதற்கு முன்பு அரசு அனைத்து முன்னெச்சரிக்கை நடவடிக்கைகளையும் எடுத்திருக்க வேண்டும் என்றாா் அவா்.