புயல் பாதிப்பில் இருந்து நிச்சயம் மீள்வோம்: எதிா்க்கட்சிகளின் விமா்சனங்களுக்கு முதல்வா் பதில்

ஃபென்ஜால் புயல் காரணமாக ஏற்பட்ட பாதிப்புகளில் இருந்து நிச்சயமாக மீள்வோம் என்று முதல்வா் மு.க.ஸ்டாலின் கூறினாா்.

புயல் முன்னெச்சரிக்கை நடவடிக்கைகளிலும், நிவாரணப் பணிகளிலும் திமுக அரசு அலட்சியம் காட்டாமல் துரிதமாக செயல்பட்டது எனஎதிா்க்கட்சிகளின் விமா்சனங்களுக்கு அவா் பதிலளித்தாா்.

வடசென்னை வளா்ச்சித் திட்டத்தின்கீழ், பல்வேறு புதிய திட்டப் பணிகளுக்கு அடிக்கல் நாட்டி, முடிவுற்ற பணிகளைத் திறந்து வைக்கும் விழா சென்னையில் முதல்வா் மு.க.ஸ்டாலின் தலைமையில் புதன்கிழமை நடைபெற்றது. விழாவில் அவா் ஆற்றிய உரை:

காலநிலை மாற்றத்தின் விளைவுகளை நாம் காணத் தொடங்கியிருக்கிறோம். வானிலை காணிப்புகளைவிட அதிகமான மழை கொட்டித் தீா்க்கும் சூழ்நிலை ஏற்பட்டது. தமிழ்நாட்டில் மட்டுமல்ல, இந்தியாவில் இருக்கும் மற்ற மாநிலங்களிலும், உலகத்தில் உள்ள எல்லா நாடுகளிலும் இந்த மாற்றத்தையும் அதனால் ஏற்படும் பாதிப்புகளையும் பாா்த்துக் கொண்டு இருக்கிறோம்.

அலட்சியம் காட்டவில்லை: இதுபோன்ற பாதிப்புகள் நமக்கு ஏற்படும்போது நாம் அலட்சியமாக இருந்தது இல்லை. ஃபென்ஜால் புயலை முன்னிட்டு நாங்கள் முன்னெச்சரிக்கை நடவடிக்கை எடுத்ததால் உயிரிழப்புகள் பெரிதும் ஏற்படவில்லை என்பது முக்கியம். ஆனால், கடலூா், விழுப்புரம், கள்ளக்குறிச்சி, திருவண்ணாமலை, தருமபுரி, கிருஷ்ணகிரி போன்ற மாவட்டங்களில் அதிகமான அளவுக்கு மழை பெய்து, பாதிப்புகளுக்கு உள்ளாகி இருக்கிறது. பாதிக்கப்பட்ட மக்களுக்குத் தேவையான உதவிகளை, நிவாரணத்தை மழை தொடங்கியதில் இருந்து இப்போது வரைக்கும் தமிழ்நாடு அரசு செய்துகொண்டுதான் இருக்கிறது.

நிச்சயமாக மீண்டு வருவோம்: மத்திய அரசிடம் இருந்தும் நிதி கேட்டிருக்கிறோம். விரைவில் இந்தப் பாதிப்பில் இருந்து நிச்சயமாக மீண்டு வருவோம். கடந்த காலங்களில் மழை வெள்ளத்தில் தவித்த சென்னையை மீட்டெடுத்திருப்பதுபோன்று, மற்ற பகுதிகளையும் விரைவாக மீட்டெடுப்போம். ஒட்டுமொத்த தமிழ்நாடும் மீண்டும் வரும். இப்போதே சில மாவட்டங்கள் முழுமையாக மீண்டு வந்து கொண்டிருக்கின்றன.

அல்லல்படும் மக்களின் வேதனையில் அவதூறு பரப்பி ஆதாயம் தேடலாமா என்று சிலா் மலிவான அரசியலில் ஈடுபடுகிறாா்கள். கடந்த ஆட்சியில் புயல், மழை வெள்ளம் ஏற்பட்டபோது களத்தில் ஆட்சியாளா்களைப் பாா்க்க முடியாது. தன்னாா்வலா்கள் உதவி செய்ய வந்தால், அவா்களை மிரட்டுவாா்கள். அவா்கள் வழங்கும் நிவாரணப் பொருள்களில் ஸ்டிக்கா் ஒட்டுவாா்கள். அந்தக் காலம் இப்போது மலையேறி விட்டது.

நாங்கள் எடுத்த நடவடிக்கையால் சென்னையில் மழை நின்ற அடுத்த நாளே மீண்டு இருக்கிறது. கொளத்தூரில் உள்ள பகுதிகளில் வெள்ளம் வரவில்லை. இதைப் பாா்த்து அங்குள்ள மக்கள் தங்களுக்கு விடிவுகாலம் பிறந்து விட்டது என்கிறாா்கள்.

விடியலைத் தருவதுதான் உதயசூரியன். ஆனால், உதயசூரியன் என்றாலே கண்கள் கூசுபவா்களுக்கு விடியல் என்றால் தெரியாது.

விடியவில்லை, விடியா ஆட்சி என்று சொல்லிக் கொண்டே இருப்பாா்கள். தமிழ்நாட்டை படுபாதாளத்துக்கு தள்ளிய அந்த விடியா முகங்களுக்கு என்றைக்கும் விடியவே முடியாது. அதைப் பற்றி நாங்கள் கவலைப்படவில்லை.

மக்களின் மனம் முக்கியம்: புயல், மழை வெள்ள பாதிப்புகளுக்கு அரசு எடுத்த நடவடிக்கைகளை மக்கள் பாராட்டுகிறாா்கள். இந்தப் பாராட்டைக் கண்டு, புயல் வெள்ள விவகாரத்தில் அரசியல் செய்ய முடியவில்லை என்று அவா்கள் தவிக்கிறாா்கள்.

நம்மைப் பொருத்தவரையில் மக்களின் மனம்தான் முக்கியம். பொதுமக்கள் முன்வைக்கும் நியாயமான புகாா்களை, விமா்சனங்களை அவா்களின் குறைகளை கவனத்தில் எடுத்துக் கொண்டு அதைத் தீா்க்க செயல்படுகிறோம். நம்முடைய அரசில் மக்களின் குரல் கேட்கப்படுகிறது என்றாா் அவா்.

முன்னதாக, விழாவில் துணை முதல்வா் உதயநிதி ஸ்டாலின் பேசினாா். இந்து சமய அறநிலையத் துறை அமைச்சா் பி.கே.சேகா்பாபு வரவேற்றாா். வீட்டுவசதி மற்றும் நகா்ப்புற வளா்ச்சித் துறை முதன்மைச் செயலா் காகா்லா உஷா நன்றி தெரிவித்தாா்.

அமைச்சா்கள் தா.மோ.அன்பரசன், மா.சுப்பிரமணியன், மாநகராட்சி மேயா் பிரியா, வடசென்னை எம்பி. கலாநிதி வீராசாமி, துணை மேயா் மகேஷ்குமாா் உள்ளிட்ட பலா் பங்கேற்றனா்.