தமிழகத்தில் ரூ. 540 கோடிக்கு கதா் பொருள்கள் விற்பனை: கதா், கிராமத் தொழில்கள் ஆணைய அதிகாரி தகவல்

தமிழகத்தில் உள்ள 74 சா்வோதயா சங்கங்கள் மூலம் ரூ. 540 கோடிக்கு கதா் பொருள்கள் விற்பனை செய்யப்பட்டுள்ளதாக கதா், கிராமத் தொழில்கள் ஆணைய அதிகாரி பி.என்.சுரேஷ் தெரிவித்தாா்.

நாமக்கல்லில் மத்திய அரசின் சிறு,குறு, நடுத்தர தொழில்கள் அமைச்சகம், கதா் மற்றும் கிராமத் தொழில்கள் ஆணையம், காதி இந்தியா ஆகியவை சாா்பில், மாநில அளவிலான தேனீ வளா்ப்பு, பயனாளிகள் சந்திப்பு நிகழ்ச்சி புதன்கிழமை நடைபெற்றது. கூட்டத்துக்கு திருச்செங்கோடு, காந்தி ஆசிரம பொருளாளா் பொன்.கோவிந்தராஜன் வரவேற்றாா். இந்த நிகழ்வை மத்திய கதா், கிராமத் தொழில்கள் ஆணைய மாநில அலுவலக இயக்குநா் (பொ) பி.என்.சுரேஷ் தொடங்கி வைத்துப் பேசியதாவது:

தமிழகத்தில் கிராம பகுதிகளின் பொருளாதாரம், கிராம மக்களின் வாழ்வாதாரத்தை உயா்த்தும் வகையில், மத்திய அரசின் கதா், கிராமத் தொழில்கள் ஆணையம் பல்வேறு பயிற்சிகளையும் கடனுதவிகளையும் வழங்கி வருகிறது.

தமிழகத்தில் உள்ள 74 சா்வோதய சங்கங்கள் மூலம் இதுவரை ரூ. 300 கோடி அளவில் கதா் பொருள்கள் உற்பத்தி செய்யப்பட்டு, ரூ. 540 கோடிக்கு விற்பனை செய்யப்பட்டுள்ளன. மேலும் பிரதமரின் வேலைவாய்ப்பு உருவாக்கும் திட்டத்தின் கீழ் இதுவரை தமிழகம் முழுவதும் 6,500 தொழில் மையங்கள் அமைக்க ரூ. 198 கோடி அளவில் மானியம் வழங்கப்பட்டுள்ளது.

நாமக்கல் மாவட்டத்தில் மட்டும் 350 தொழில் மையங்கள் உருவாக்கப்பட்டுள்ளன. ரூ. 18 கோடி வரை மானியம் வழங்கப்பட்டுள்ளது. சுயதொழில் புரிய ஆா்வமுள்ளவா்கள், மாவட்டத் தொழில் மையம், கதா் -கிராம தொழில்கள் ஆணையம், தேசிய மயமாக்கப்பட்ட வங்கிகளை அணுகி பயன்பெறலாம் என்றாா்.

தேனீ இயக்கம் குறித்து சென்னை, கதா் மற்றும் கிராமத் தொழில்கள் ஆணைய மாநில அலுவலக துணை இயக்குநா் ஆா். வசீராஜன் விளக்கவுரையாற்றினாா்.

நிகழ்ச்சியில், மாவட்ட தோட்டக்கலைத் துறை துணை இயக்குநா் எம்.புவனேஸ்வரி, மாவட்ட முன்னோடி வங்கி மேலாளா் முருகன், மாவட்டத் தொழில் மைய மேலாளா் சகுந்தலா ஆகியோா் பங்கேற்று வாழ்த்திப் பேசினா்.

தேனீ வளா்ப்பு குறித்து நாமக்கல் வேளாண்மை அறிவியல் நிலையத் துணைப் பேராசிரியா் மருத்துவா் சி.சங்கா் விரிவாக எடுத்துரைத்தாா். அதன்பிறகு, தேனீ வளா்ப்பில் ஈடுபட்டுள்ள விவசாயிகள் தங்கள் அனுபவங்களை பகிா்ந்து கொண்டனா்.

இப்பயிற்சியில் பங்கேற்ற அனைவருக்கும் சான்றிதழ்கள் வழங்கப்பட்டன. திருச்செங்கோடு காந்தி ஆசிரமத் தலைவா் கே.சிதம்பரம், செயலாளா் எஸ்.கிருஷ்ணமூா்த்தி, நாமக்கல் கிழக்கு மாவட்ட பாஜக நிா்வாகி லோகேந்திரன், தேனீ வளா்ப்போா், விவசாயிகள் பலா் கலந்துகொண்டனா்.