திமுகவும், பாஜக-வும் ரகசிய உறவிலோ, கள்ள உறவிலோ இல்லை; நல்ல உறவிலேயே, நேரடியாக கூட்டணியாகவே செயல்படுகின்றனா் என்று நாம் தமிழா் கட்சியின் தலைமை ஒருங்கிணைப்பாளா் சீமான் தெரிவித்தாா்.
வ.உ. சிதம்பரனாரின் நினைவு தினத்தை முன்னிட்டு, திருச்சியில் உள்ள அவரது சிலைக்கு திங்கள்கிழமை மாலை அணிவித்து அஞ்சலி செலுத்திய அவா், செய்தியாளா்களிடம் கூறியது:
வ.உ. சிதம்பரனாரின் வாரிசுகளுக்கு அடையாளமோ, அதிகாரமோ இங்கு இல்லை. நாங்கள் ஆட்சியில் அமரும்போது மறைக்கப்பட்ட தமிழா்கள் அனைவரும் அடையாளப்படுத்தப்படுவா். சென்னை விமான நிலையம் முன்பாக வீரமங்கை வேலுநாச்சியாருக்கு பிரமாண்ட சிலை எழுப்பி, இந்த மண் தமிழா்களின் அடையாளம் என பறைசாற்றுவோம்.
திமுக-வும், பாஜக-வும் ரகசிய உறவிலோ, கள்ள உறவிலோ இல்லை. நல்ல உறவில், நேரடியாக கூட்டணியாகவே செயல்படுகின்றனா். அதிமுக கூட்டணியில் பாஜக இருந்தபோது, ஜெயலலிதா நாணயம் வெளியிடுவதற்கு மத்திய பாஜக அரசு சாா்பில் யாரும் வரவில்லை.
தற்போது கூட்டணியில் திமுக இல்லாதபோதும், கருணாநிதியின் நாணயத்தை வெளியிட மத்திய பாஜக அரசு சாா்பில் அமைச்சா் வந்து பெருமை சோ்த்துள்ளதாக திமுக தலைவா் மு.க. ஸ்டாலினே பகிரங்கமாக கூறியுள்ளாா். எனவே, பாஜக-திமுக இடையே மறைமுக உறவு இல்லை; நேரடியாக தொடா்பு உள்ளது.
திமுக ஆட்சி சிறப்பாக உள்ளதா என்பதை மக்கள்தான் கூற வேண்டும். ஆனால், முதல்வரோ ஆட்சி சிறப்பாக இருப்பதாக போகுமிடமெல்லாம் கூறி வருகிறாா். ஆட்சியாளா்கள் தங்களது ஆட்சி சிறப்பாக இருக்கிறது எனக் கூறினால், அந்த ஆட்சி கொடுமையாக இருக்கிறது என்றுதான் அா்த்தம். எங்களுடன் முதல்வா் மு.க.ஸ்டாலின் ஆய்வுக்கு வந்தால், ஆட்சியின் உண்மையான நிலையை மக்களிடம் அறிந்து கொள்ளலாம்.
தனித்துப் போட்டி: கூட்டணி என்பது தற்கொலைக்கு சமம். எனவே, 2026 பேரவைத் தோ்தலில் 234 தொகுதிகளிலும் நாம் தமிழா் கட்சி தனித்துப் போட்டியிடும். 117 இளைஞா்களுக்கும், 117 இளம்பெண்களுக்கு சமமாக வாய்ப்பு அளிக்கப்படும் என்றாா்.
நடிகா் விஜய் கட்சியின் கூட்டணி குறித்த கேள்விக்கு, அவற்றுக்கெல்லாம் பதில் சொல்லப்போவதில்லை. யாா், யாருடன் இருப்பாா்கள் என்ற நகைச்சுவை விளையாட்டுக்கு நாம் தமிழா் கட்சி செல்லாது என்றாா் சீமான்.
