காா் மோதி பெண் தொழிலாளி உயிரிழப்பு

திருச்சி அருகே காா் மோதி பெண் கட்டடத் தொழிலாளி சனிக்கிழமை இரவு உயிரிழந்தது குறித்து போலீஸாா் விசாரித்து வருகின்றனா்.

திருச்சி மாவட்டம், மேலபாகனூா் வடக்கு குடித்தெரு சுப்ரமணி என்பவரின் மனைவி சித்ரா (45). கட்டடத் தொழிலாளி.

சனிக்கிழமை இரவு சித்ரா தனது தங்கையைப் பாா்ப்பதற்காக முத்தரசநல்லூா் பேருந்து நிறுத்தத்தில் இறங்கி தங்கை கணவரான முத்தரசநல்லூா் கணவனூரைச் சோ்ந்த மா. ஆறுமுகத்துடன் (40) இருசக்கர வாகனத்தில் சென்றுள்ளாா். வாகனத்தை ஆறுமுகம் ஓட்ட, பின்புறம் சித்ரா அமா்ந்து சென்றுள்ளாா்

இவா்களது வாகனம் கரூா் புறவழிச்சாலை கணவனூா் பேருந்து நிறுத்தம் அருகே சென்றபோது, பின்புறம் வந்த அடையாளம் தெரியாத காா் ஒன்று ஆறுமுகத்தின் இருசக்கர வாகனத்தின் மீது மோதி, அப்பகுதியில் நடந்து சென்ற நபா்கள் மீதும் மோதிவிட்டு நிற்காமல் சென்றுவிட்டது.

இதில் படுகாயமடைந்த சித்ரா நிகழ்விடத்திலேயே இறந்தாா். ஆறுமுகமும், நடந்து சென்ற முத்தரசநல்லூரைச் சோ்ந்த வெ. சிங்காரவேலும் (52) காயமடைந்தனா். அருகில் இருந்தவா்கள், காயமடைந்த இருவரையும் மீட்டு சிகிச்சைக்காக திருச்சி அரசு மருத்துவமனைக்கு அனுப்பி வைத்தனா்.

தகவலறிந்து அங்கு வந்த ஜீயபுரம் போலீஸாா், இறந்த சித்ராவின் சடலத்தை மீட்டு கூறாய்வுக்காக திருச்சி அரசு மருத்துவமனைக்கு அனுப்பி வைத்ததுடன், வழக்குப் பதிந்து விசாரித்து வருகின்றனா்.