திருவெண்காடு அருகே வீட்டின் பூட்டை உடைத்து திருடியவா் கைது

திருவெண்காடு அருகே சா்க்கரை ஆலை ஊழியா் வீட்டில் 125 பவுன் நகைகள், அரை கிலோ வெள்ளி பொருட்கள், ரூ. 80 ஆயிரத்தை திருடிச் சென்றவரை போலீஸாா் திங்கள்கிழமை கைது செய்தனா்.

மயிலாடுதுறை மாவட்டம், திருவெண்காடு அருகே மங்கைமடம் பாலாஜி நகரை சோ்ந்தவா் செல்வேந்திரன். சா்க்கரை ஆலையில் பொறியாளராக பணியாற்றி வருகிறாா். தனது மகளின் பிரசவத்திற்காக கடந்த ஜனவரி 10-ஆம் தேதி வீட்டை பூட்டிவிட்டு மயிலாடுதுறையில் உள்ள மருத்துவமனைக்கு சென்றுள்ளாா்.

அப்போது வீட்டின் பின்பக்க கதவுவை உடைத்து உள்ளே நுழைந்த மா்ம நபா், பீரோ மற்றும் பெட்டிகளிலிருந்த 125 பவுன் நகைகள், அரை கிலோ வெள்ளி பொருட்கள், ரூ. 80 ஆயிரம் ரொக்கம் ஆகியவற்றை திருடிச் சென்றாா்.

மாவட்ட காவல் கண்காணிப்பாளா் கோ. ஸ்டாலின் உத்தரவின் பேரில், காவல் துணைக் கண்காணிப்பாளா் ராஜ்குமாா் தலைமையில் 2 தனிப்படைகள் அமைக்கப்பட்டு விசாரணை நடைபெற்றது.

இந்தநிலையில், இந்த திருட்டில் சம்பந்தப்பட்ட திருவாரூா் மாவட்டம் கொரடாச்சேரி பாத்தூா் பாணாக்கரையை சோ்ந்த மணிகண்டன் வேறொரு திருட்டு வழக்கில் கைது செய்யப்பட்டு, கும்பகோணம் சிறையில் இருப்பது தெரிய வந்தது.

இதையடுத்து அவரை நீதிமன்ற காவலில் எடுத்த திருவெண்காடு போலீஸாா் விசாரணை மேற்கொண்டனா். திருடிய நகைகளில் 53 பவுன் நகைகளை போலீஸாா் பறிமுதல் செய்தனா். பின்னா் அவரை சீா்காழி நீதிமன்றத்தில் ஆஜா்படுத்தினா்.