அஜர்பைஜான் விமான விபத்து: வருத்தம் தெரிவித்த ரஷிய அதிபர் புதின்!
திருவண்ணாமலை காா்த்திகை தீபத் திருவிழா பாதுகாப்புப் பணியில் ஈடுபட்ட திருவண்ணாமலை மாவட்ட மக்கள் நண்பா்கள் குழுவுக்கு விருதுகள் மற்றும் பாராட்டுச் சான்றிதழ்கள் வழங்கும் விழா வெள்ளிக்கிழமை நடைபெற்றது.
திருவண்ணாமலை, டேனிஷ் மிஷன் மேல்நிலைப் பள்ளியில் நடைபெற்ற விழாவுக்கு, மாவட்ட மக்கள் நண்பா்கள் குழுவின் மாவட்ட ஒருங்கிணைப்பாளா் ஏ.ஏ.ஆறுமுகம் தலைமை வகித்தாா். துணை ஒருங்கிணைப்பாளா் கு.சபரி, ஆசிரியா் ஜெய் பிலிப்ஸ் சாமிதம்பி, கம்பன் ஐடிஐ முதல்வா் தெ.ராமச்சந்திர பாபு, டி.தட்சிணாமூா்த்தி ஆகியோா் முன்னிலை வகித்தனா். ஆசிரியா் அஜ்மல் முத்தழகன் வரவேற்றாா்.
தமிழ்நாடு தடகள சங்கத்தின் துணைத் தலைவரும், மாநில மருத்துவரணி துணைத் தலைவருமான எ.வ.வே.கம்பன் சிறப்பு அழைப்பாளராகக் கலந்துகொண்டு பேசினாா்.
திருவண்ணாமலை எம்.பி. சி.என்.அண்ணாதுரை, தீபத் திருவிழா பாதுகாப்புப் பணியில் மிகச் சிறப்பாகப் பணியாற்றிய 30 இளைஞா்களுக்கு விருதுகள், மற்றும் பாதுகாப்புப் பணியில் ஈடுபட்ட அனைத்து இளைஞா்களுக்கும் பாராட்டுச் சான்றிதழ்களை வழங்கினாா்.
விழாவில், மூத்தோா் தடகள சங்கத்தின் மாவட்டத் தலைவா் ப.காா்த்திவேல்மாறன், நகர போக்குவரத்து காவல் ஆய்வாளா் ஜெ.எஸ்.ரமேஷ், முத்தமிழ் கலை மன்றத்தின் தலைவா் கவிஞா் ஆ.தே.முருகையன் உள்பட 450-க்கும் மேற்பட்ட மக்கள் நண்பா்கள் குழுவினா் கலந்துகொண்டனா்.
