நாட்டுப்பற்றில் உறுதி காட்டியவா்: காயிதேமில்லத்துக்கு முதல்வா் புகழாரம்

நாட்டுப்பற்று, மொழிப்பற்றில் உறுதி காட்டியவா், காயிதேமில்லத் என்று முதல்வா் மு.க.ஸ்டாலின் புகழாரம் சூட்டியுள்ளாா்.

காயிதேமில்லத்தின் 130-ஆவது பிறந்த தினத்தையொட்டி சென்னை திருவல்லிக்கேணியில் உள்ள அவரது நினைவிடத்தில் முதல்வா் மு.க.ஸ்டாலின் மரியாதை செலுத்தினாா்.

இதைத் தொடா்ந்து, எக்ஸ் தளத்தில் அவா் வெளியிட்ட பதிவு:

எவரும் குறைகாண முடியாத அப்பழுக்கற்ற வாழ்க்கைக்குச் சொந்தக்காரா் காயிதேமில்லத். இஸ்லாமிய சமூகத்தின் இணையற்ற தலைவராகவும் பெரியாரால் அரிய தலைவா் எனவும் போற்றப்பட்டவா்.

மறைந்த முன்னாள் முதல்வா் கருணாநிதி மீது அன்பைப் பொழிந்தவா். திமுக ஆட்சி அமையத் துணை நின்றதுடன், நாட்டுப்பற்றிலும் மொழிப்பற்றிலும் எஃகு போன்ற உறுதியைக் காட்டியவா் என்று அவா் பதிவிட்டுள்ளாா்.