நெல்லைச் சீமையிலே நிலவாய்ப் பிறந்த நீ! - டெல்லி கணேஷுக்கு ரசிகரின் அஞ்சலி | My Vikatan
Admin
- 4 days ago
வாசகர்களை, எழுத்தாளர்களாக, பங்களிப்பாளர்களாக மாற்றும் விகடனின் ‘My Vikatan’ முன்னெடுப்பு இது. இந்த கட்டுரையில் இடம் பெற்றுள்ள கருத்துகள் அனைத்தும், கட்டுரையாளரின் தனிப்பட்ட கருத்துகள். விகடன் தளத்தின் கருத்துகள் அல்ல. - ஆசிரியர்.
வாடி நிற்கும் உள்ளங்கள்!
கணேசரை வணங்கித்தான்
காரியங்கள் தொடங்கிடுவோம்!
கணபதியின் பெயரோடு…
கனமான நம்நாட்டின்
தலைநகரின் நாமத்தையும்
தாங்கி நின்ற
தனியான நடிகன்நீ!
தரமான மனிதன்நீ!
நானூறு படங்களையும்
தாண்டி நடித்தவன்நீ!
பல்வேறு மொழிகளையும்
பாங்காய் அறிந்தவன்நீ!
ஆரவாரம் அதிகமில்லா
அமைதியான உன்நடிப்பில்
ஊரே ஒன்றிவிடும்!
உலகே அமைதியுறும்!
நெல்லைச் சீமையிலே
நிலவாய்ப் பிறந்தநீ
விமானப்படை தனிலே
விருப்பமுடன் சேர்ந்திட்டாய்!
நாடகத்தில் உன்வாசம்
நாட்டினிலே பரவிடவே
வெள்ளித்திரை உன்னை
விரும்பியே ஏற்றது!
நாயகனின் பெருமைக்கும்
மைக்கேல்மதன காமராஜன்
சிறப்படைந்து புகழ்பெறவும்
சிந்துபைரவி சினிமா
சிகரத்தை எட்டிடவும்
அவ்வைசண்முகி படம்
அகிலத்தைக் கவர்ந்திடவும்
அபூர்வச் சகோதரர்கள்
அதிசயத்தைப் பரப்பிடவும்
கிரியா ஊக்கியாய்
கிளர்ந்தெழுந்து நின்றவன் நீ!
சப்தம் அதிகமின்றிச்
சாதித்துக் காட்டியவன்நீ!
இன்னும் பலசொல்ல
இடமில்லை நாயகனே!
இவையனைத்தும் இருந்தாலும்
எங்கள் இதயத்தில்
என்றும் நீ வாழ்வதற்கு
வேறொன்று விதையாய்…
வேராய் நிற்கிறது!
அது என்னவென்று
அகிலம் நன்கறியும்!
திகட்டாத் திருவிழாவாம்
தீபாவளி வருமுன்னே
ஆசிரமக் குழந்தைகளும்
ஆனந்தமாய்க் கொண்டாட
அன்பு வேண்டுகோளை
அமரனே நீ வைப்பாய்!
அடுத்த ஆண்டும் தீபாவளி
ஆர்ப்பரித்து வந்துவிடும்!
உன்குரலைக் கேட்காது
உள்ளங்கள் வாடிநிற்கும்!
-ரெ.ஆத்மநாதன்,
கூடுவாஞ்சேரி
விகடனில் உங்களுக்கென ஒரு பக்கம்...
உங்கள் படைப்புகளைச் சமர்ப்பிக்க - my@vikatan.com என்ற மின்னஞ்சலுக்கு அனுப்புங்கள்!
ஏதோ ஓர் ஊரில், எங்கோ ஒரு தெருவில் நடந்த ஒரு விஷயம்தான் உலகம் முழுக்க வைரலாகிறது. உங்களைச் சுற்றியும் அப்படியொரு வைரல் சம்பவம் நடந்திருக்கலாம்... நடந்துகொண்டிருக்கலாம்... நடக்கலாம்..! அதை உலகுக்குச் சொல்வதற்காகக் களம் அமைத்துக் கொடுக்கிறது #MyVikatan. இந்த எல்லையற்ற இணையவெளியில் நீங்கள் செய்தி, படம், காணொளி, கட்டுரை, கதை, கவிதை என என்ன வேண்டுமானாலும் எழுதலாம். ஃமீம்ஸ், ஓவியம் என எல்லாத் திறமைகளையும் வெளிப்படுத்தலாம்.
சினிமா விகடனின் பிரத்யேக Whatsapp க்ரூப்
https://chat.whatsapp.com/E0QlpeNbGHnF9W5rFKCVSU
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
