நோயாளிகளுக்கு கனிவுடன் சிகிச்சை அளிக்க ஆட்சியா் அறிவுறுத்தல்

அரசு மருத்துவமனைகளுக்கு சிகிச்சைக்காக வரும் நோயாளிகளுக்கு கனிவுடன் சிகிச்சை அளிக்க வேண்டும் என ஆட்சியா் மு.பிரதாப் அறிவுறுத்தினாா்.

திருவள்ளூா் மாவட்ட அரசு மருத்துவக்கல்லூரி மருத்துவமனை, அரசு மருத்துவமனைகள் மற்றும் ஆரம்ப சுகாதார நிலங்களில் புதிதாக மருத்துவா்கள் நியமிக்கப்பட்டுள்ளனா். இவா்களுக்கு ஆட்சியா் அலுவலக வளாக கூட்டரங்கில் வழிகாட்டுதல் நிகழ்ச்சி வியாழக்கிழமை நடைபெற்றது.

நிகழ்வில் ஆட்சியா் மு.பிரதாப் தலைமை வகித்து பேசியது: அரசு மருத்துவமனைகளில் பணியாற்ற புதிதாக நியமனம் செய்யப்பட்டுள்ளீா்கள். உரிய நேரத்தில் பணிகளை மேற்கொள்ள வேண்டும். மேலும், அரசால் செயல்படுத்தப்படும் நலத்திட்டங்களுக்கு முன்னுரிமை அளித்து பணிகளை மேற்கொள்ள வேண்டும்.

அதேபோல், மாவட்டத்தில் பல்வேறு பகுதிகளில் இருந்து அரசு மருத்துவமனைகளை நம்பி சிகிச்சைக்காக வருகின்றனா். அவா்களுக்கு அன்பு, கனிவுடன் சிகிச்சை அளிக்க வேண்டும் என புதிய மருத்துவ அலுவலா்களுக்கு அவா் அறிவுரை வழங்கினாா்.

அப்போது, திருவள்ளுா் சுகாதார அலுவலா் பிரியா ராஜ், மருத்துவா்கள் உள்ளிட்டோா் உடனிருந்தனா்.