பரமத்தி அருகே வீட்டின் கதவை உடைத்து ரூ. 3 லட்சம் ரொக்கம் திருட்டு

பரமத்தி வேலூா் அருகே வெள்ளாளபாளைத்தில் பூட்டியிருந்த வீட்டின் கதவை உடைத்து ரொக்கம் ரூ. 3 லட்சம், இரண்டரை பவுன் தங்க நகையைத் திருடிச் சென்ற மா்ம நபா்களை பரமத்தி போலீஸாா் தேடி வருகின்றனா்.

வெள்ளாளபாளையத்தைச் சோ்ந்தவா் கண்ணன் (48). இவரது மனைவி கீதா. இவா்களது வீடு நாமக்கல் - கரூா் தேசிய சாலையில் உள்ளது. ஞாயிற்றுக்கிழமை காலை வீட்டை பூட்டிவிட்டு குடும்பத்துடன் உறவினா் வீட்டிற்குச் சென்றுள்ளனா். இரவு வீட்டிற்கு வந்தபோது வீட்டின் முன் கதவு உடைக்கப்பட்டிருப்பதைக் கண்டு அதிா்ச்சி அடைந்துள்ளனா்.

வீட்டுக்குள் சென்று பாா்த்தபோது பீரோவில் வைத்திருந்த ரொக்கம் ரூ. 3 லட்சம், இரண்டரை பவுன் தங்க நகை ஆகியவற்றை மா்ம நபா்கள் திருடிச் சென்றது தெரியவந்தது.

இது குறித்து கண்ணன், பரமத்தி காவல் நிலையத்திற்கு தகவல் தெரிவித்துள்ளாா். இத் தகவலின் அடிப்படையில் அங்கு வந்த காவல் ஆய்வாளா் இந்திராணி மற்றும் காவலா்கள் வழக்குப் பதிவு செய்து விசாரணை நடத்தி வருகின்றனா்.