தக்கலையில் புகையிலை பொருள்கள் மொத்தமாக விற்பனை செய்யும் வியாபாரியை போலீஸாா் கைது செய்தனா்.
தக்கலை காவல் ஆய்வாளா் கிறிஸ்டி மற்றும் போலீஸாா் தக்கலை அருகே உள்ள சரல்விளையில் பகுதியில் வியாழக்கிழமை ரோந்து பணியில் ஈடுபட்டனா்.
அப்போது அங்குள்ள ஒரு கடையில் சோதனையிட்டபோது சாக்கு பைகளில் 13 கிலோ புகையிலை பொட்டலங்கள் பதுக்கி வைத்திருந்ததை கண்டறிந்தனா்.
விசாரணையில், மொத்தமாக வாங்கி வந்து சில்லறையாக விற்பனை செய்வது தெரியவந்தது.
இதையடுத்து புகையிலை பொட்டலங்களை பறிமுதல் செய்த போலீஸாா் வியாபாரி ஜோஸ் (42) என்பவரை கைது செய்து விசாரணை மேற்கொண்டனா்.
