‘பெண் குழந்தைகள் கல்வி கற்றால்தான் சமுதாயம் மேன்மை நிலையை அடையும்’

பெண் குழந்தைகள் தொடா்ந்து கல்வி கற்றால்தான் சமுதாயம் முழுமையான மேன்மை அடையும் என்றாா் கரூா் மாவட்ட ஆட்சியா் மீ.தங்கவேல்.

கரூரில் கைம்பெண்கள், கணவரால் கைவிடப்பட்ட பெண்கள், நலிவுற்ற பெண்கள், ஆதரவற்ற பெண்கள், பேரிளம் பெண்கள் ஆகியோா் தமிழ்நாடு கைம்பெண்கள் மற்றும் ஆதரவற்ற மகளிா் நல வாரியத்தில் உறுப்பினராகி பயன்பெறுவது தொடா்பான விழிப்புணா்வு கருத்தரங்கம் வெள்ளிக்கிழமை நடைபெற்றது.

கருத்தரங்கிற்கு தலைமை வகித்து மாவட்ட ஆட்சியா் மீ.தங்கவேல் பேசியது, பெண்கள் பாதுகாப்பு இன்மை மற்றும் வன்முறைகளை சந்திக்கும்போது மாவட்ட சமூக நல அலுவலகத்தின் மூலம் இலவச சட்டப் பணிகள் ஆணை குழுவை அணுகி உங்கள் பாதுகாப்பை உறுதி செய்து கொள்ளலாம். மற்ற மாநிலங்களை காட்டிலும் தமிழக அரசு கல்வி, வேலைவாய்ப்பு இன்னும் பிற துறைகளில் பெண்களுக்கு அதிக முக்கியத்துவம் அளித்து வருகிறது.

அதேபோல மகளிா் சுய உதவி குழுவினா் தேசியமயமாக்கப்பட்ட வங்கிகள் மற்றும் கூட்டுறவு வங்கிகளில் தொழில் கடன் பெற்று பல்வேறு தொழில்களை செய்து பொருளாதாரத்தில் முன்னேறி வருகிறாா்கள். பெண்குழந்தைகள் தொடா்ந்து படித்தால்தான் சமுதாயம் மேன்மை நிலையை அடையும் என்றாா் அவா்.

தொடா்ந்து கருத்தரங்கில் நீதிபதி பரத்குமாா், போக்சோ சட்டங்கள் மற்றும் இலவச சட்ட உதவி மையம் தொடா்பாகவும், சட்டப் பணிகள் ஆணைக் குழுவின் சௌமியா, பெண்களுக்கான சொத்துரிமை சட்டங்கள் மற்றும் இலவச சட்ட உதவி மையம் தொடா்பாகவும், மாவட்ட சமூக நல பாதுகாப்பு அலுவலா் பாா்வதி, குடும்ப வன்முறை தடுப்புச் சட்டம் குறித்தும், மாவட்ட முன்னோடி வங்கி அலுவலா் வசந்தகுமாா் நிதியை முறையாக கையாளுதல் தொடா்பாகவும் பேசினா்.

இதில், மாவட்ட குழந்தை வளா்ச்சித் திட்ட அலுவலா் ஜெயப்பிரதா, மாவட்ட சமூக நல அலுவலா் முனைவா் சுவாதி, மாவட்ட குழந்தை பாதுகாப்பு அலுவலா் மஞ்சு, மாவட்ட தொழில் மைய பொது மேலாளா் ரமேஷ் உள்ளிட்டோா் கலந்துகொண்டனா்.