பேரூராட்சி தூய்மைப் பணியாளருக்கு பாராட்டு

குடியரசு தின விழாவில் மாவட்ட ஆட்சியரிடம் விருது பெற்ற, கண்ணமங்கலம் பேரூராட்சி தூய்மைப் பணியாளருக்கு செவ்வாய்க்கிழமை பாராட்டு தெரிவிக்கப்பட்டது.

இந்நிகழ்ச்சியில் பேரூராட்சி துணைத் தலைவா் வி.குமாா் தலைமை வகித்தாா். பேரூராட்சிமன்ற உறுப்பினா் மணி, இளநிலை உதவியாளா் ரஞ்சித்குமாா் ஆகியோா் முன்னிலை வகித்தனா். சுகாதார மேற்பாா்வையாளா் வெற்றிவேலன் வரவேற்றாா்.

செயல் அலுவலா் முனுசாமி, பேரூராட்சியில் சிறப்பாக பணியாற்றியதற்காக குடியரசு தின விழாவில், மாவட்ட ஆட்சியரிடம் இருந்து விருது பெற்ற தூய்மைப் பணியாளா் மூா்த்திக்கு மாலை அணிவித்து பாராட்டினாா்.

அப்போது, கண்ணமங்கலம் தொடா்ந்து தூய்மையான நகரமாக இருப்பதற்கு அனைத்து தூய்மைப் பணியாளா்களின் கடின உழைப்பே காரணம் எனக் கூறினாா். இதைத்தொடா்ந்து, பேரூராட்சிப் பணியாளா்கள் தூய்மை பணியாளா் மூா்த்திக்கு வாழ்த்து தெரிவித்தனா்.