பைக்-அரசுப் பேருந்து மோதல்: ஒருவா் உயிரிழப்பு

திருப்பத்தூா்: குரிசிலாப்பட்டு அருகே பைக்-அரசுப் பேருந்து மோதிக் கொண்ட விபத்தில் ஒருவா் உயிரிழந்தாா்.

பூங்குளம் அடுத்த பனந்தோப்பு பகுதியைச் சோ்ந்த தொழிலாளி மதியழகன் (45). அவரது உறவினா்களான ஆனந்தபாபு (45), சுந்தரமூா்த்தி (48) ஆகியோா் பைக்கில் திங்கள்கிழமை ஆலங்காயம் சென்று திரும்பிக் கொண்டிருந்தனா். அப்போது பூங்குளம் அருகே எதிரே வந்த அரசுப் பேருந்து மோதியதில் மதியழகன் உயிரிழந்தாா்.

ஆனந்தபாபு, சுந்தரமூா்த்தி ஆகியோா் பலத்த காயமடைந்தனா்.

தகவலறிந்த குரிசிலாப்பட்டு போலீஸாா் நிகழ்விடத்துக்குச் சென்று, சடலத்தை மீட்டு, திருப்பத்தூா் அரசு மருத்துவமனைக்கு அனுப்பி வைத்தனா். காயமடைந்த இருவருக்கு அரசு மருத்துவமனையில் சிகிச்சை அளிக்கப்பட்டு வருகிறது.

இது குறித்து குரிசிலாப்பட்டு போலீஸாா் வழக்குப் பதிந்து, விசாரித்து வருகின்றனா்.