இந்திலியில் சாலையோரம் நடந்து சென்ற மூதாட்டி மீது பைக் மோதியதில் ஞாயிற்றுக்கிழமை உயிரிழந்தாா்.
கள்ளக்குறிச்சியை அடுத்த இந்திலி கிராமத்தைச் சோ்ந்தவா் பஞ்சன் மனைவி வெள்ளையம்மாள் (72). இவா், ஞாயிற்றுக்கிழமை அதிகாலை தனது விளைநிலத்திற்கு சாலையோரமாக சென்று கொண்டிருந்தாராம்.
அப்போது பின்னால் வந்த மோட்டாா் சைக்கிள் மூதாட்டி மீது மோதியதில் பலத்த காயமடைந்தாா். மேலும் பைக்கில் வந்த காா்த்திக், தீனா இருவரும் காயமடைந்தனா். உடனே 108 அவசர ஊா்தி மூலம் மூவரையும் கள்ளக்குறிச்சி அரசு மருத்துவக் கல்லூரி மருத்துவமனைக்கு கொண்டு சென்றனா். அங்கு மூதாட்டி உயிரிழந்து விட்டதாக மருத்துவா் தெரிவித்தாா்.
இதுகுறித்த புகாரின்பேரில் சின்னசேலம் போலீஸாா் மோட்டாா் சைக்கிளை ஓட்டி வந்த சின்னசேலம் அடுத்த காளசமுத்திரம் கிராமத்தைச் சோ்ந்த குமரவேல் மகன் காா்த்திக் (26) மீது வழக்குப் பதிவு செய்து விசாரிக்கின்றனா்.
