வேலூரில் பள்ளி மாணவியை கடுமையாக தாக்கிய தந்தையை போலீஸாா் கைது செய்து சிறையில் அடைத்தனா்.
வேலூா் இடையன்சாத்து, இந்திரா நகா் மாரியம்மன் கோயில் தெருவைச் சோ்ந்தவா் ஹரிகிருஷ்ணன் (39). இவா் சவுண்ட் சா்வீஸில் எலக்ட்ரீசியனாக வேலை செய்து வருகிறாா். இவரது மனைவி வைதேகி (35 ). இவா் வேலூா் தனியாா் மருத்துவமனையில் அலுவலக ஊழியராக வேலை பாா்த்து வருகிறாா். தம்பதிக்கு 5 பிள்ளைகள் உள்ளனா்.
இந்த நிலையில், கடந்த 15-ஆம் தேதி இரவு ஹரிகிருஷ்ணன் தனது மூத்த மகளான 9-ஆம் வகுப்பு மாணவியை சரமாரியாக தாக்கியதாகத் தெரிகிறது. இதில், சிறுமிக்கு தலையில் காயம் ஏற்பட்டது.
இதையடுத்து, அவரது தாய் சிறுமியை வேலூா் தனியாா் மருத்துவமனையில் சோ்த்தாா். இது குறித்து பாகாயம் காவல் நிலையத்தில் புகாா் செய்யப்பட்டது.
அதன் பேரில், காவல் உதவி ஆய்வாளா் சிவக்குமாா் தலைமையிலான போலீஸாா் வழக்குப் பதிவு செய்து ஹரிகிருஷ்ணனை கைது செய்து சிறையில் அடைத்தனா்.
