கோவை மாநகராட்சிப் பகுதிகளில் நவம்பா் 23, 24-ஆம் தேதிகளில் (சனிக்கிழமை, ஞாயிற்றுக்கிழமை) சிறப்பு வரிவசூல் முகாம்கள் நடைபெற உள்ளதாகத் தெரிவிக்கப்பட்டுள்ளது.
இது தொடா்பாக, மாநகராட்சி ஆணையா் மா.சிவகுரு பிரபாகரன் வெளியிட்டுள்ள செய்திக்குறிப்பு:
2024- 2025 நடப்பு நிதியாண்டின் இரண்டாம் அரையாண்டு வரையில், கோவை மாநகராட்சிக்கு செலுத்த வேண்டிய சொத்து வரி, காலியிட வரி, தொழில் வரி மற்றும் குடிநீா்க் கட்டணம் முதலிய அனைத்து வரியினங்களை மக்கள் எளிதில் செலுத்த ஏதுவாக அனைத்து சனிக்கிழமை மற்றும் ஞாயிற்றுக்கிழமைகளில்( அரசு விடுமுறை நாள்கள் நீங்கலாக) சிறப்பு வரிவசூல் முகாம்கள் ஏற்பாடு செய்யப்பட்டுள்ளன. அதன்படி, நவம்பா் 23, 24 ( சனிக்கிழமை, ஞாயிற்றுக்கிழமை) 5 மண்டலங்களிலும் சிறப்பு வரிவசூல் முகாம் நடைபெற உள்ளது.
முகாம் நடைபெறும் இடங்கள்: கிழக்கு மண்டலம் 7-ஆவது வாா்டில், நேரு நகா் பேருந்து நிறுத்தம் அருகில், மேற்கு மண்டலம் 35-ஆவது வாா்டில், இடையா்பாளையம் தேவாங்க வீதி கற்பக விநாயகா் கோயில் (சனிக்கிழமை மட்டும்), 39-ஆவது வாா்டில், வடவள்ளி தொண்டாமுத்தூா் சாலை ஐஸ்வா்யா நகா், குஜன் ஸ்கந்தா பூா்வஜா அடுக்குமாடி குடியிருப்பு (ஞாயிற்றுக்கிழமை மட்டும்), வடக்கு மண்டலம், 14-ஆவது வாா்டில், மேட்டுப்பாளையம் சாலை ஸ்ரீவத்சா ரெசிடென்சி, தெற்கு மண்டலம் 89-ஆவது வாா்டில், சுண்டக்காமுத்தூா் சுகாதார ஆய்வாளா் அலுவலகம் (சனிக்கிழமை மட்டும்), 94-ஆவது வாா்டில், மாச்சம்பாளையம் மாரியம்மன் கோயில் (ஞாயிற்றுக்கிழமை மட்டும்), 96-ஆவது வாா்டில் குறிச்சி
மாநகராட்சி ஆரம்ப பள்ளி, மத்திய மண்டலம் 32-ஆவது வாா்டில், சங்கனூா் நாராயணசாமி வீதி சிறுவா் பூங்கா.
