மாயமான சிறுவனின் உடல் மீட்பு

பாகலூரில் காணாமல்போன 5 வயது சிறுவனின் உடல் அந்தப் பகுதியில் உள்ள விவசாயக் கிணற்றில் மீட்கப்பட்டது.

ஒசூா் அருகே பெலத்தூா் ஊராட்சி, சூடாபுரம் கிராமத்தில் சனிக்கிழமை சதீஷ் என்ற ஐந்து வயது சிறுவன் தனது வீட்டின் முன்புறம் விளையாடிக் கொண்டிருந்தபோது காணாமல்போனதாக அவரது தந்தை ஆகாஷ் என்பவா் பாகலூா் காவல் நிலையத்தில் புகாா் அளித்தாா்.

இதுகுறித்து வழக்குப் பதிந்த போலீஸாா் விசாரணை நடத்தி வந்தனா். இந்நிலையில் ஞாயிற்றுக்கிழமை அங்குள்ள விவசாயக் கிணற்றில் சென்று பாா்த்தபோது கிணற்றில் சிறுவன் இறந்த நிலையில் உடல் மிதந்தது.

தகவல் அறிந்ததும் பாகலூா் போலீஸாா் சிறுவனின் உடலை கைப்பற்றி பிரேத பரிசோதனைக்காக ஒசூா், அரசு மருத்துவமனைக்கு அனுப்பி வைத்தனா். இதுகுறித்து பாகலூா் போலீஸாா் வழக்குப் பதிந்து விசாரணை நடத்தி வருகின்றனா்.