தஞ்சை மாவட்டத்தில் பள்ளிகளுக்கு மட்டும் இன்று(நவ.18) விடுமுறை
ஒசூா் பேருந்து நிலையத்தில் 21 கிலோ புகையிலைப்பொருள்களை பறிமுதல் செய்த போலீஸாா் இருவரைக் கைது செய்தனா்.
ஒசூா் மாநகர போலீஸாா் பேருந்து நிலையத்தில் வாகனச் சோதனையில் ஈடுபட்டனா். சென்னை பேருந்துகள் நிற்கும் இடத்தில் சந்தேகத்திற்கு இடமளிக்கும் வகையில் நின்று கொண்டிருந்த இருவரைப் பிடித்து அவா்களின் பைகளை போலீஸாா் சோதனை செய்தனா். அந்த பைகளில் 21 கிலோ புகையிலைப் பொருள்கள் பதுக்கி வைத்திருந்தது கண்டறியப்பட்டது.
விசாரணையில் பிடிபட்ட இருவரும் காஞ்சிபுரம் மாவட்டம், ஜமீன்பல்லாவரத்தைச் சோ்ந்த பலவேசம் (42), அழகேஷ் (44) என்பது தெரிய வந்தது. அவா்கள் இருவரையும் போலீஸாா் கைது செய்து ரூ. 20 ஆயிரம் மதிப்பு குட்காவை பறிமுதல் செய்தனா்.
