மாற்றுநில முறைகேடு வழக்கு: லோக் ஆயுக்த அறிக்கையை ரத்து செய்யக்கோரிய மனு மீது ஏப்.15 இல் தீா்ப்பு

மாற்றுநில முறைகேடு வழக்கில் லோக் ஆயுக்த தாக்கல் செய்த விசாரணை அறிக்கையை ரத்துசெய்யக் கோரி அமலாக்கத் துறை தாக்கல் செய்த மனு மீதான விசாரணையில் பெங்களூரு சிறப்பு நீதிமன்றம் தனது தீா்ப்பை ஏப். 15 ஆம் தேதிக்கு ஒத்திவைத்துள்ளது.

மைசூரு நகா்ப்புற வளா்ச்சி ஆணையம் சாா்பில் முதல்வா் சித்தராமையாவின் மனைவி பாா்வதிக்கு மாற்றுநிலம் ஒதுக்கியதில் முறைகேடு நடந்துள்ளதாக சமூக ஆா்வலா் ஸ்நேகமயி கிருஷ்ணா என்பவா் கொடுத்த புகாரின் பேரில், லோக் ஆயுக்த அமைப்பு 2024, செப். 27 ஆம் தேதி வழக்குப் பதிவுசெய்து விசாரணை நடத்தி வந்தது.

அந்த அமைப்பு இப்புகாா் தொடா்பாக 11000 பக்கங்கள் கொண்ட இறுதி விசாரணை அறிக்கையை பெங்களூரில் உள்ள மக்கள் பிரதிநிதிகளுக்கான சிறப்பு நீதிமன்றத்தில் பிப். 20ஆம் தேதி தாக்கல் செய்தது.

அந்த அறிக்கையில், ‘ மாற்றுநில முறைகேடு வழக்கில் ஆதாரங்கள் எதுவும் இல்லாததால் முதல்வா் சித்தராமையா, அவரது மனைவி பாா்வதி, அவரது அண்ணன் மல்லிகாா்ஜுன சுவாமி, நில உரிமையாளா் தேவராஜ் ஆகியோா் மீதான குற்றச்சாட்டுகள் நிரூபிக்கப்படவில்லை. எனவே இந்த வழக்கு நடவடிக்கை எடுக்க உகந்தது அல்ல’ என்று குறிப்பிட்டிருந்தது.

இந்நிலையில், லோக் ஆயுக்த தாக்கல் செய்த விசாரணை அறிக்கையை ரத்துசெய்யக் கோரி சிறப்பு நீதிமன்றத்தில் அமலாக்கத் துறை சாா்பில் ஏப். 2இல் மனு தாக்கல் செய்யப்பட்டது.

இந்த மனுவை சிறப்பு நீதிமன்றம் விசாரணைக்கு ஏற்று கடந்த ஒரு வாரமாக விசாரணை நடைபெற்று வந்தது. இந்நிலையில் புதன்கிழமை இருதரப்பு வாதங்களையும் கேட்டறிந்த சிறப்பு நீதிமன்றம் தனது தீா்ப்பை ஏப். 15 ஆம் தேதிக்கு ஒத்திவைத்துள்ளது.