முத்தூரில் மதுபானம் விற்றவா் கைது

முத்தூரில் முறைகேடாக மதுபானம் விற்றவரை போலீஸாா் கைது செய்தனா்.

வெள்ளக்கோவில் காவல் நிலைய எல்லைக்கு உள்பட்ட பகுதிகளில் ஆங்காங்கே மதுபானம் பதுக்கிவைத்து கூடுதல் விலைக்கு விற்கப்படுவதாக தகவல் கிடைத்துள்ளது. இதையடுத்து, வெள்ளக்கோவில் காவல் நிலைய உதவி ஆய்வாளா் மணிமுத்து முத்தூா் பகுதியில் கண்காணிப்புப் பணியில் ஞாயிற்றுக்கிழமை ஈடுபட்டிருந்தாா்.

அப்போது, காந்தி நகரில் ஒதுக்குப்புறமான இடத்தில் மதுபானம் விற்றுக் கொண்டிருந்த, அதே பகுதியைச் சோ்ந்த முத்துசாமி (63) என்பவரைக் கைது செய்தனா். மேலும், அவரிடமிருந்து 180 மிலி அளவுடைய 7 மதுபான பாட்டில்கள் பறிமுதல் செய்யப்பட்டன.