மேலப்பாளையத்தில் உள்ள குப்பைகளை அகற்றக் கோரி, மேலப்பாளையம் மண்டல அலுவலகத்தில் எஸ்டிபிஐ கட்சியினா் வியாழக்கிழமை மனு அளித்துள்ளனா்.
அவா்கள் அளித்த மனுவில் கூறியிருப்பதாவது: மேலப்பாளையம் மண்டலத்தில் உள்ள 45, 46, 47, 4 8 ஆகிய வாா்டுகளில் பாளையங்கால்வாய் கரையோரப் பகுதிகளில் அதிகமாக கழிவுநீா் தேங்கியுள்ளது. குப்பைக் கழிவு துப்புரவு செய்யப்படாமல் கொசு உற்பத்தியாகி அப்பகுதியில் வசிக்கும் மக்களுக்கு டெங்கு, மலேரியா போன்ற நோய்த்தொற்று ஏற்படும் அபாயம் உள்ளது.
எனவே, குப்பைகளை அகற்றி, அங்கு கிருமி நாசினிப் பொடி மற்றும் கொசு மருந்து தெளித்து அப்பகுதியில் வசிக்கும் மக்களை நோய்த் தொற்றில் இருந்து பாதுகாக்க உரிய நடவடிக்கை எடுக்க வேண்டும் என குறிப்பிட்டுள்ளனா்.
