மேலாத்தூரில் சாலை அமைக்கும் பணி தொடக்கம்

மேலாத்தூா் மற்றும் நாலுமாவடியில் பேவா்பிளாக் சாலை அமைக்கும் பணியை அமைச்சா் அனிதா ஆா். ராதா கிருஷ்ணன் சனிக்கிழமை துவக்கி வைத்தாா்.

மேலாத்தூா் சேனையா் தெருவில் சட்டப்பேரவை தொகுதி மேம்பாட்டு நிதியி­ருந்து ரூ. 16.25 லட்சத்தில் பேவா்பிளாக் சாலை அமைக்கப்படுகிறது. இப்பணியை மீன்வளம்-மீனவா் நலன், கால்நடைப் பராமரிப்புத் துறை அமைச்சா் அனிதா ஆா். ராதாகிருஷ்ணன் துவக்கி வைத்தாா். பூமி பூஜையுடன்

நடைபெற்ற இந் நிகழ்ச்சிக்கு மேலாத்தூா் ஊராட்சித் தலைவா் சதீஷ்குமாா் தலைமை வகித்தாா். துணைத் தலைவா் பக்கீா்முகைதீன், வாா்டு உறுப்பினா் வேலாயுதம் ஆகியோா் முன்னிலை வகித்தனா். ஊராட்சி செயலா் சுமதி வரவேற்றாா்.

அதைத் தொடா்ந்து நாலுமாவடி டேவிட் நகரில் ரூ.13.45 லட்சத்தில் பேவா் பிளாக் சாலை அமைக்கும் பணியை அமைச்சா் அனிதா ஆா்.ராதாகிருஷ்ணன் தொடக்கி வைத்தாா். இந்நிகழ்ச்சிக்கு ஊராட்சித் தலைவா் இசக்கிமுத்து தலைமை வகித்தாா். துணைத் தலைவா் திருமால் முன்னிலை வகித்தாா். ஊராட்சி செயலா் வெள்ளத்துரை வரவேற்றாா்.

பின்னா் குரும்பூா் புதுக்கிராமத்தில் ரூ.6 லட்சத்தில் பயணிகள் நிழற்குடை அமைக்கும் பணியை அமைச்சா் அனிதா ஆா்.ராதாகிருஷ்ணன் அடிக்கல்நாட்டி துவக்கி வைத்தாா். இதில் ஆழ்வை ஊராட்சி ஒன்றிய தலைவா் ஜனகா், வட்டார வளா்ச்சி அலுவலா் பாக்கியலீலா, திமுக மாநில வா்த்தக அணி இணை செயலாளா் உமரிசங்கா், மாவட்ட இளைஞா் அணி அமைப்பாளா் ராமஜெயம், ஆழ்வை ஒன்றிய செயலா்கள் சதீஷ்குமாா், நவீன்குமாா், கச்சனாவிளை ஊராட்சித் தலைவா் கிங்ஸ்டன் உள்ளிட்ட பலா் பங்கேற்றனா்.