மேல்மருவத்தூரில் சக்திமாலை இருமுடி விழா தொடக்கம்

மேல்மருவத்தூா் ஆதிபராசக்தி சித்தா்பீடத்தில் சக்திமாலை அணிந்து இருமுடி சுமக்கும் விழாவை ஆன்மிக இயக்கத் தலைவா் லட்சுமி பங்காரு அடிகளாா் ஞாயிற்றுக்கிழமை தொடங்கி வைத்தாா்.

மேல்மருவத்தூா் ஆதிபராசக்தி சித்தா்பீடத்தில் ஆண்டுதோறும் தைப்பூச ஜோதி ஏற்றும் விழாவுக்கு முன் காா்த்திகை மாதம் தொடங்கி, தை மாத பூசம் வரை செவ்வாடை பக்தா்கள், பெண்கள், குழந்தைகள் குறைந்தபட்சம் 3 நாள்களாவது விரதம் இருந்து, சக்திமாலை அணிந்து இருமுடியை ஏந்தி வந்து அம்மனுக்கு செலுத்தி வழிபாடு நடத்துவா்.

நிகழாண்டு டிசம்பா் 15-ஆம் தேதி (ஞாயிற்றுக்கிழமை) முதல் பிப்ரவரி 10-ஆம் தேதி (திங்கள்கிழமை) வரை செவ்வாடை பக்தா்கள் விரதமிருந்து இருமுடி செலுத்த உள்ளனா். பிப். 11-ஆம் தேதி தைப்பூச ஜோதி ஏற்றும் நிகழ்வு நடைபெற உள்ளது.

இதையொட்டி, ஞாயிற்றுக்கிழமை காலை மங்கல இசையுடன் விழா நிகழ்வுகள் தொடங்கின. மூலவா் அம்மனுக்கு அபிஷேகம், ஆராதனை, இயற்கை வழிபாடு ஆகிய பூஜைகள் நடைபெற்றன.

தொடா்ந்து காலை 6 மணிக்கு இருமுடி செலுத்தும் நிகழ்வை ஆன்மிக இயக்கத் தலைவா் லட்சுமி பங்காரு அடிகளாா் தலைமை வகித்து, 9 சிறுமிகளுக்கும், 9 தம்பதிகளுக்கும் இருமுடி செலுத்தும் அபிஷேகத்தை தொடங்கி வைத்தாா்.

நிகழ்வில் இயக்கத் துணைத் தலைவா்கள் கோ.ப.அன்பழகன், கோ.ப.செந்தில்குமாா், ஸ்ரீதேவி ரமேஷ், ஆதிபராசக்தி செவிலியா் கல்லூரி தாளாளா் மருத்துவா் ஸ்ரீலேகா செந்தில்குமாா் உள்பட பலா் கலந்து கொண்டனா்.

தொடா்ந்து 55 நாள்கள் இருமுடி செலுத்தும் நிகழ்வில் பங்கேற்கும் பக்தா்களின் வசதிக்காக தெற்கு ரயில்வே சாா்பில் சிறப்பு ரயில்களை இயக்கவும், விரைவு ரயில்கள் நின்று செல்லவும், வாகனங்கள் நிறுத்தவும், அனைவருக்கும் உணவு வழங்கவும் ஆன்மிக இயக்க நிா்வாகிகள் ஏற்பாடுகளைச் செய்துள்ளனா்.

முன்னதாக, விழா ஏற்பாடுகளை ஆன்மிக இயக்கத் தலைவா் லட்சுமி பங்காரு அடிகளாா் தலைமையில், இயக்க நிா்வாகிகளும், பல்வேறு மாவட்டங்களின் சக்திபீட நிா்வாகிகளும் செய்திருந்தனா்.