ரயில் நிலையங்களில் செவ்வாய்தோறும் எண்ம தினம் அனுசரிப்பு

சென்னை கோட்டத்துக்குள்பட்ட ரயில் நிலையங்களில் க்யூஆா் குறியீடு மூலம் பயணச்சீட்டு பெறுவது குறித்து விழிப்புணா்வை ஏற்படுத்தும் வகையில், செவ்வாய்க்கிழமை தோறும் எண்ம தினம் அனுசரிக்கப்படவுள்ளது.

இது குறித்து, சென்னை ரயில்வே கோட்டம் சனிக்கிழமை வெளியிட்ட செய்திக் குறிப்பு:

சென்னை மற்றும் புகா் பகுதியில் இயக்கப்படும் மின்சார ரயில் மற்றும் விரைவு ரயில் மூலம் தினமும் சுமாா் 15 லட்சம் போ் பயணிக்கின்றனா். முக்கிய நேரங்களில் அதிக அளவில் பயணிகள் ரயில் நிலையத்திற்கு வரும் போது, பயணச்சீட்டு பெறுவதற்காக நீண்ட நேரம் காத்திருக்கும் நிலை ஏற்படுகிறது.

இந்நிலையில், ‘எண்ம இந்தியா’ திட்டத்தின் ஒரு பகுதியாக ரயில் பயணச்சீட்டு பெறுவதை இணைய வழி மூலம் மேற்கொள்ள பல்வேறு நடவடிக்கைகள் எடுக்கப்பட்டு வருகின்றன. இதற்காக, ரயில் நிலையத்தில் பயணச்சீட்டு பெறுவதற்கு பிரத்யேக இயந்திரம், செயலி மூலம் பயணச்சீட்டு பெறுதல், உள்ளிட்டவை நடைமுறையில் உள்ளன.

இதை மேலும் எளிதாக்கும் வகையில் க்யூஆா் குறியீடு மூலம் பயணச்சீட்டு பெறும் நடைமுறை கொண்டுவரப்பட்டுள்ளது. இதன் மூலம் முன்பதிவு மற்றும் முன்பதிவில்லா பயணச்சீட்டு பெறமுடியும்.

புதிதாக ஆரம்பிக்கப்பட்ட இந்த நடைமுறையை பொதுமக்களிடம் கொண்டு சோ்க்கும் வகையில், சென்னை கோட்டத்துக்குள்பட்ட அனைத்து ரயில் நிலையங்களிலும், செவ்வாய்க்கிழமை தோறும் ‘செவ்வாய்க்கிழமை-எண்ம தினம்’ எனும் விழிப்புணா்வு முகாம் நடத்தப்படவுள்ளது. இந்த முகாம் அக்.22-ஆம் தேதி முதல் தொடங்குகிறது. இதில் தன்னாா்வலா்கள் பயணிகளிடம் எண்ம முறையில் எவ்வாறு பயணச்சீட்டு பெறுவது என்பது குறித்து விளக்குவா் எனத் தெரிவிக்கப்பட்டுள்ளது.