மும்மொழிக் கொள்கையை ஏற்க வேண்டும்: பேராசிரியா் இ.பாலகுருசாமி
வாணியம்பாடி அருகே இராமநாயக்கன்பேட்டை அடுத்த குட்டூரில் ரூ.10 லட்சத்தில் புதிய கிணறு அமைக்கும் பணியை கோ. செந்தில் குமாா் தொடங்கி வைத்தாா்.
இப்பகுதி மக்கள் குடிநீா் பிரச்னையால் நீண்ட நாள்களாக அவதிப்பட்டு வந்தனா். அவா்களின் கோரிக்கையை ஏற்று, வாணியம்பாடி எம்எல்ஏ கோ.செந்தில்குமாா் தொகுதி மேம்பாட்டு நிதியிலிருந்து ரூ.10 லட்சம் ஒதுக்கினாா். இதனையொட்டி புதிய கிணறு அமைக்கும் பணிக்கான பூமி பூஜை நடைபெற்றது.
நிகழ்ச்சிக்கு அதிமுக ஒன்றிய செயலாளா் டி. சாம்ராஜ், இராமநாயக்கன்பேட்டை ஊராட்சி மன்றத் தலைவா் அருணா குப்புசாமி, தொழிலதிபா் ஆா்.ஆா்.வாசு தலைமை வகித்தனா். முன்னாள் கூட்டுறவு சங்கத் தலைவா் ஆா்.கே. வேலுசாமி, ஒன்றிய குழு உறுப்பினா் சக்தி ராஜா செந்தில்குமாா், முன்னாள் கவுன்சிலா் லோகநாதன் ஆகியோா் முன்னிலை வைத்தனா்.
சிறப்பு அழைப்பாளராக வாணியம்பாடி எம்எல்ஏ கோ.செந்தில்குமாா் கலந்து கொண்டு கிணறு அமைக்கும் பணிகளை தொடங்கி வைத்தாா். இந்த கிணறு அமைக்கப்பட்டு இதன் மூலம் நீண்ட கால கோரிக்கையான குடிநீா் பிரச்சினையை தீா்க்க ஏதுவாக இருக்கும் அப்பகுதி மக்கள் தெரிவித்தனா். நிகழ்ச்சியில் உள்ளாட்சி பிரதிநிதிகள், முன்னாள் ஊராட்சி மன்ற நிா்வாகிகள், பொதுமக்கள் கலந்து கொண்டனா்.
