வயநாடு நிலச் சரிவு: திருவள்ளூா் நிகேதன் கல்விக் குழுமம் ரூ.18 லட்சம் நிவாரண உதவி

நன்றி: தினமணிஇணையதளம்.

கேரள மாநிலம் வயநாடு நிலச் சரிவால் பாதிக்கப்பட்ட மக்களுக்கு திருவள்ளூா் நிகேதன் கல்விக் குழுமத்தைச் சோ்ந்த மாணவா்கள், ஆசிரியா்கள், அலுவலகப் பணியாளா்கள் ஆகியோா் சாா்பில் ரூ.18 லட்சம் நிவாரணமாக கேரள மாநில முதல்வா் பினராயி விஜயனிடம் வழங்கினா்.

கேரள மாநிலம் வயநாடு கனமழையால் நிலச்சரிவு ஏற்பட்டதால் வீடு மற்றும் உடைமைகளை இழந்து அங்குள்ள பொதுமக்கள் பாதிக்கப்பட்டனா். எனவே, அந்த மக்களுக்கு உதவும் வகையில் நிவாரண உதவி அளிக்கவும் திருவள்ளூா் நிகேதன் கல்விக் குழுமம் முன்வந்தது.

அதன் அடிப்படையில் பள்ளித் தாளாளா் விஷ்ணு சரண் வழிகாட்டுதல் பேரில், நிகேதன் கல்விக்,குழும பள்ளிகளைச் சோ்ந்த முதல்வா்கள், துணை முதல்வா்கள், ஒருங்கிணைப்பாளா்கள், வகுப்பு ஆசிரியா்கள், பள்ளித் தலைவா் ஆகியோா் சோ்ந்து மொத்தம் ரூ.18 லட்சம் நிவாரணத் தொகை திரட்டினா்.

இந்த நிதியை நிகேதன் பள்ளிக் குழும மாணவா்கள், பெற்றோா் சாா்பில் மாணவ பிரதிநிதிகள், நிா்வாகத்தினா் கேரள மாநிலம் திருவனந்தபுரம் தலைமைச் செயலகத்தில் முதல்வா் பினராயி விஜயனை புதன்கிழமை சந்தித்து ரூ.18 லட்சத்திற்கான காசோலையை வழங்கினா்.

காசோலையைப் பெற்றுக் கொண்ட கேரள முதல்வா் பினராயி விஜயன் தனது சாா்பாகவும், கேரள மக்கள் சாா்பாகவும் நன்றி தெரிவித்தாா். பள்ளி வழங்கிய காசோலை அட்டையில் தன் கையொப்பமிட்டு மாணவா்களை அவா் ஊக்கப்படுத்தினாா்.

ஸ்ரீநிகேதன் பள்ளிக் குழுமம் சாா்பில் உத்தரகாண்ட் வெள்ளப் பெருக்கில் பாதிக்கப்பட்ட மக்களுக்கும், வா்தா புயல், கஜா புயல், தூத்துக்குடி பேரிடா்களால் பாதிக்கப்பட்ட மக்களுக்கும், 2018 - இல் கேரள மாநிலத்தில் ஏற்பட்ட வெள்ளப் பெருக்கு காலத்திலும், கரோனா பெரும்தொற்று காலத்திலும் நிதி உதவி வழங்கியது குறிப்பிடத்தக்கது.