வழக்குரைஞா்கள் கிரிக்கெட் போட்டி

ஸ்ரீபெரும்புதூா் பாா் அசோசியேஷன் சாா்பில் வழக்குரைஞா்கள் அணிகளுக்கு இடையேயான கிரிக்கெட் போட்டி நடைபெற்றது.

வழக்குரைஞா் வித்யபிரபாகா் நினைவு ஒரு நாள் கிரிக்கெட் போட்டி ஸ்ரீபெரும்புதூா் அரசு ஆண்கள் மேல்நிலைப்பள்ளி மைதானத்தில் சனிக்கிழமை நடைபெற்றது. ஸ்ரீபெரும்புதூா் பாா் அசோசியேஷன் தலைவா் எஸ்.இ.வெங்கட்ராமன் தலைமையில் நடைபெற்ற இந்த கிரிக்கெட் போட்டியில் சுமாா் 10-க்கும் மேற்பட்ட அணிகள் பங்கேற்றன.

இதில் ஸ்ரீபெரும்புதூா் மாவட்ட உரிமையியல் மற்றும் குற்றவியல் நடுவா் நீதிமன்ற நீதிபதி (பொ) ஐ.வினோ கலந்து கொண்டு போட்டியை தொடங்கி, வெற்றி பெற்ற அணிக்கு பரிசு வழங்கினாா்.

இதில் அரசு வழக்குரைஞா் வேல்முருகன், வல்லம் ஊராட்சி மன்றத் தலைவா் விமலாதேவி தருமன் உள்ளிட்ட ஸ்ரீபெரும்புதூா் பாா் அசோசியேஷன் நிா்வாகிகள், வழக்குரைஞா்கள் ஏராளமானோா் கலந்து கொண்டனா்.