திருப்பத்தூா் ஆட்சியா் அலுவலகத்தில் நடைபெற்ற தனியாா் வேலைவாய்ப்பு முகாமில் ஆட்சியா் க.தா்ப்பகராஜ் 49 பேருக்கு பணி ஆணையை வழங்கினாா்.
திருப்பத்தூா் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் சிறிய அளவிலான தனியாா் துறை வேலைவாய்ப்பு முகாம் வெள்ளிக்கிழமை நடைபெற்றது. முகாமில் 17 தனியாா் நிறுவனங்கள் கலந்து கொண்டு ஆள்களைத் தோ்வு செய்தனா். இதில் பல்வேறு கல்வி தகுதியுடைய 176 போ் கலந்து கொண்டனா். அவா்களுக்கு பல்வேறு தோ்வுகள் நடத்தப்பட்டு, 49 போ் தோ்ந்தெடுக்கப்பட்டனா்.
அவா்களுக்கான பணி ஆணையை மாவட்ட ஆட்சியா் க.தா்ப்பகராஜ் வழங்கினாா். மாவட்ட வேலைவாய்ப்பு அலுவலா் கஸ்தூரி, துறை சாா்ந்த அலுவலா்கள் கலந்து கொண்டனா்.
